Мавлавӣ Ҳорун, муовини мулло Абдулқаюм Зокир, масъули баландпояи низомии Толибон дар минтақаҳои Панҷшер ва Андароб кушта шудааст. Дар ин бора рӯзномаи "8-и субҳ" Афғонситон хабар медиҳад.
Ба навиштаи ин рӯзнома, Мавлавӣ Ҳорун, 14-уми август, дар пайи даргирӣ бо нерӯҳои Ҷабҳаи муқовимати миллӣ, дар вулусволии Хинҷи вилояти Панҷшер кушта шудааст.
Мулло Абдулқаюм Зокир ҳамонест, ки ҳамагӣ чанд рӯз пештар аз ҷониби роҳбарияти Толибон масъули низомӣ барои Панҷшеру Андароб таъйин гардид ва муқовимат бо Ҷабҳа яке аз вазифаи аслии ӯ муаррифӣ карда шуд.
Дар ҳамин ҳол, масъулини Толибон то ҳол дар бораи куштори яке аз қумандонҳои шинохтаи худ аз дасти Ҷабҳа шарҳе ироа накардаанд.
Гуфтан ба маврид аст, чанде пештар Толибон бо эътирофи Ҷабҳаи муқовимати миллӣ ва задухӯрдҳои шадид дар Панҷшер, фармондеҳи низомии вежаи худро барои Панҷшеру Андароб таъйин карданд.
Намояндагони Ҷабҳа ва Толибон эътироф карданд, ки ҳоло дар Панҷшеру Андароб ҷангҳои шадид идома дорад. Масъулини низомии Толибон дар ин минтақаҳо, барои муқовимат бо ҷанговарони Ҷабҳа, аз роҳбарияти худ фиристодани ҳазорҳо нерӯро хоҳиш карданд.
Тайи рӯзҳои охир ҳар ду ҷониб аз куштаву захмӣ шудани даҳҳо асокири душман хабар паҳн мекунанд.
Дар робита ба шеваи ҷангҳои ахир дар Панҷшер намояндагони Созмони Миллали Муттаҳид изҳори ташвиш карда, ба бахши форсии BBC гуфтаанд, ки Толибон бо поймол кардани муқаррароти байналмилалӣ асирони ҳарбиро ба қатл расонидаанд.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста