Кумитаи доварони Федератсияи футболи Тоҷикистон Насрулло Кабиров ва Исмоил Нуралиев, ду довари бозиҳои Лигаи футболи Тоҷикистонро барои ба иштибоҳ роҳ додан дар бозии “Хуҷанд” ва “Файзканд” ҷазо додааст. Дар ин бора сомонаи ФФТ хабар медиҳад.
Ба гуфтаи ФФТ, дар ҷаласаи кумитаи доварон хулоса бароварда шуд, ки доварони бозии даври шонздаҳуми мусобиқоти қаҳрамонии Тоҷикистон-2022 миёни дастаҳои “Хуҷанд” ва “Файзканд” (3:0) ба чанд иштибоҳ роҳ додаанд, ки он ба натиҷаи вохӯрии онҳо таъсир расонидааст.
“Бар асоси ин, доварон Насрулло Кабиров ва Исмоил Нуралиев аз доварии тамоми бозиҳои Лигаи футболи Тоҷикистон барои ду давр маҳрум шуданд”, - омадааст дар хабар.
Илова бар ин, дар ҷаласаи кумитаи доварони ФФТ шикояти бошгоҳи футболи “Истиқлол” дар мавриди доварӣ дар бозии даври шонздаҳум бо тими “Истаравшан” (1:1) баррасӣ шудааст. Гуфта мешавад, ки ба андешаи бошгоҳи шаҳри Душанбе довари марказӣ ду бор ҷаримаи ёздаҳметрӣ таъйин накардаанд.
Кумитаи доварони ФФТ пас аз баррасии маводи видеоии ин вохӯрӣ, тасмим гирифт, ки иддаои тими “Истиқлол” беасос аст ва довари марказӣ Абдулло Давлатов дар дақиқаҳои 11 ва 68-уми вохӯрӣ қарори дуруст бароварда, ба дарвозаи “Истаравшан” зарбаи ҷаримавии 11 метра таъйин накардааст.
Гуфтан ба маврид аст, ки дар Тоҷикистон масъалаи доварии бозиҳои футбол ҳамеша доғ аст ва мухлисони футболи кишвар пайваста даъво мекунанд, ки доварон ба таври ҳирфаӣ фаъолият намекунанд ва дар бисёр ҳолат тақдири бозиро маҳз хатогии онҳо ҳал мекунад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста