Абдурашид Самадов, адабиётшиноси шинохта, китоби ҳамосаи “Шоҳнома”-и Абулқосим Фирдасиро дар тарҷумаҳои забони русӣ мавриди таҳқиқ қарор дода, китоби нави худро таҳти унвони ““Шоҳнома” дар Русия” ба табъ расонидааст. Дар ин бора хабаргузории “Ховар” хабар медиҳад.
Ба иттилои манбаъ, дар китоб оид ба таърихи тарҷумаи “Шоҳнома”-и Абулқосим Фирдасӣ ба забони русӣ сухан меравад. Муаллиф дар мақолаҳои ҷудогона аз таърихи тарҷумаҳои “Шоҳнома” аз ҷониби Л.Пенковский, В.Жуковский, М.Зотов, С.М.Соколов, М.Лозинский, В.Державин, И.Селвинский, В.Левик, К.Липскеров, Е.Звягинсева, С. Липкин, Р.Ашкинадзе ва С.Б. Бону - Лоҳутӣ ҳарф зада, нақши Бонуро дар иҷрои ин амр бориз ва тарҷумаи ӯро намунаи муваффақ арзёбӣ кардааст.
Китоби мазкур аз бобҳои ““Шоҳнома” дар сарзамини рус”, “Ситсилия Бону - Лоҳутӣ ва соярӯшанҳои тарҷумаи “Шоҳнома” ба забони русӣ”, ““Шоҳнома” ва шоҳномапажӯҳон”, “Ҷусторҳо дар “Шоҳнома”” иборат аст. Инчунин, китоби мазкур 18 зербоби дигарро дар бар мегирад.
Сарсухани ““Шоҳнома” дар Русия”-ро Мирзо Муллоаҳмад, адабиётшинос ва узви вобастаи АМИТ, навишта, гуфтааст, “асари А. Самадов дорои маводи фаровон, мушоҳидаву мулоҳизаҳои ҷолиб ва андешаҳои амиқи илмӣ буда, иқдоми муҳимме дар шинохти “Шоҳнома”-и безаволи Фирдавсӣ ва робитаҳои адабӣ ба шумор меравад”.
Дар ин асари таҳқиқотӣ саҳми бузургу мондагори Ситсилия Бону дар тарҷумаи “Шоҳнома” мавриди таҳлилу баррасии илмӣ қарор гирифта, зикр шудааст, ки ин пажӯҳишгар бо маслиҳату машварати Абулқосим Лоҳутӣ ба тарҷумаи ҳамоса машғул шуда, тақрибан 50 соли умрашро ба ҷодаи пурифтихори илм бахшидаааст.
Ёдовар мешавем, ки Абдурашид Самадов пажӯҳишгар ва тарҷумони шинохта буда, муаллифи китобҳои “Анварӣ”, “Инсони комил” ва “Гулназарнома” мебошад.
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
Кулли ахбор
Авторизуйтесь, пожалуйста