Ду филми тоҷикӣ дар Фестивали байналмилалии киноҳои кишварҳои ИДМ ва Фестивали филмҳои ҷаҳонии донишҷӯён (SWIFF) соҳиби ҷойи якум, ҷоизаи махсус ва беҳтарин нақши мардона гардидаанд.
Дар Фестивали байналмилалии киноҳои кишварҳои ИДМ зери унвони “Московская премьера” филми бадеии “Бачаи обӣ (Water boy)” соҳиби ду ҷоизаи “Беҳтарин филм” ва “Беҳтарин нақши мардона” гардидааст. Дар ин бора коргардони тоҷик Файзулло Файзов хабар медиҳад.
Ба гуфти ӯ, ин филм дар бахши рақобат миёни 10 филми хориҷӣ иштирок намуда, соҳиби ду ҷоизаи баландтарин гардид. Гуфта мешавад, дар ин ҷашнвора филмҳои бадеӣ ва кӯтоҳ аз кишварҳои Тоҷикистон, Русия, Қазоқистон, Қирғизистон, Озарбойҷон, Арманистон, Беларус, Гурҷистон, Латвия ва Ӯзбекистон ба намоиш гузошта шуданд.
Бояд гуфт, ки муаллифи филм Бахтиёр Худойназаров, сенариянависон Носир Раҳмон ва Файзулло Файзов мебошанд. Нақшҳои асосиро дар филм Убайдуллоҳи Омон, Меҳроҷиддин Сафар, Аҳмад Қутбиддин ва Соро Собир иҷро кардаанд.
Филми “Бачаи обӣ” қаблан дар ҷашнвораи байналмилалии филмҳои авруосиёии “Eurasian Film Festival” дар Лондон барандаи ҷоиза шуда буд.
Ҳамин тавр, филми мустанади “Умед”, ки аз талоши хонандагони мактаб дар яке аз деҳаҳои дурдасти Тоҷикистон таҳия шуда буд, дар Фестивали филмҳои ҷаҳонии донишҷӯён (Student world impact film festival) соҳиби ҷоизаи фахрӣ гардидааст. Дар ин бора Исматулло Абдуллоев, таҳиягари филми мустанад, хабар медиҳад.
Филми мустанади “Умед” қаблан дар Ҷашнвораи “MediaCamp-Fest” сазовори ҷойи сеюм гардида буд.
Ёдовар мешавем, ки дар чандвақтаи охир ба навор гирифтани филмҳои кӯтоҳ ва мустанад дар кишвар нисбат ба солҳои қаблӣ бештар шуда, аксаран соҳиби ҷоизаҳои минтақавиву байналмилалӣ мегарданд.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста