Муҳаммадалӣ Мирзоев, варзишгари тоҷик ва устоди варзиши Тоҷикистон дар мусобиқаи Осиё оид ба пауэрлифтинг (вазнбардории секарата) дар вазни 120 кг соҳиби медали тилло гардид ва бо бардоштани 194,5 кг вазн (хобида) дар қораи Осиё рекорд гузоштааст. Дар ин бора худи ӯ хабар додааст.
Дар ин мусобиқа, ки аз 1-ум то 7-уми декабри соли равон дар шаҳри Дубайи Аморати Мутаҳидаи Араб баргузор шуд, ӯ дар байни варзишгарони 29 кишвари Осиё сазовори ҷойи аввал шудааст.
Худи Муҳаммадалӣ Мирзоев, дар суҳбат бо “Азия-Плюс” гуфт, шод аст, ки тавонист шарафи Тоҷикистонро дар сатҳи ҷаҳонӣ боло бардошт ва минбаъд низ кӯшиш мекунад, парчами Тоҷикистонро дар мусобиқаҳои байналмилалӣ баланд бардошта, дар рушди ин навъи варзиш дар Тоҷикистон саҳм гузорад.
Ӯ аз синни 6-солагӣ ба варзиш машғул аст ва ҳар сол ба мусобиқоти мухталиф ширкат мекунад.
Муҳаммадалӣ Мирзоев – дар риштаи пауэрлифтинг устоди варзиши Тоҷикистон, чемпиони чандинкаратаи ҷумҳурӣ, қаҳрамони мутлақи ҷумҳурӣ, аввалин қаҳрамони Осиё оид ба Федератсияи байналмилалии пауэрлифтинг (IPF) дар Тоҷикистон байни наврасон ба ҳисоб меравад.
Ёдовар мешавем, ки Муҳаммадалӣ Мирзоеви 23-сола чанде пеш дар Чемпионати ҷаҳон байни калонсолон, ҷавонон ва наврасон, ки рӯзҳои 21-29-уми майи соли равон дар шаҳри Алмато баргузор шуд, байни варзишгарони беш аз 30 кишвари ҷаҳон дар вазни 105 кг сазовори медали нуқра гардида буд.
Федератсияи байналмилалии пауэрлифтинг (IPF) моҳи ноябри соли 1972 таъсис ёфта, як сол баъд, дар моҳи ноябри соли 1973 аввалин чемпионати ҷаҳон баргузор шуд.
Мусобиқаи вазнбардорӣ дар Тоҷикистон яке аз намудаҳои қариб фаромӯшшудаи варзиш ба шумор рафта, дар гузашта асосан дар чанд ноҳияи Тоҷикистон рушд намуда буд. Собиқадарони ин намуди варзиш мегӯянд, таваҷҷӯҳи ҷавонон ба вазнбардорӣ солҳои охир коҳиш ёфтааст.
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
Кулли ахбор
Авторизуйтесь, пожалуйста