Душанбе. 24-уми май. «Азия-Плюс» – Намояндагони ҳукуматҳои Қазоқистон, Қирғизистон, Тоҷикистон ва Туркманистон, ки рӯзҳои 17-18-уми май дар ҷаласаи нахустин оид ба табодули андеша ва баррасии масоили марбут ба таҳқиқоти тарҳи нерӯгоҳи «Роғун» ширкат варзиданд, имкони баррасии ошкоро ва асосноки тарҳи ин нерӯгоҳ дар сатҳи минтақавиро дастгирӣ намуданд.
Дар иттилоияи интишоргардидаи Бонки ҷаҳонӣ доир ба масъалаи мазкур гуфта мешавад дар ҷаласа роҷеъ ба масоили мушкилоти мавҷудаи бехатарии сарбанди нерӯгоҳ, ҳаҷми маҷрои ҷоришавии об ба кишварҳои поёноб ва шаффофияти ҷараёни таҳқиқот табодули афкор сурат гирифта, кулли иштирокчиён ба мувофиқа расиданд, ки табодули мутақобилаи маълумот ва ширкати ҳамаи кишварҳои ҳавза барои шаффофият ва эътимоднокии таҳқиқот зарур аст.
Дар иттилоия ҳамчунин зикр мегардад, ки рӯзи 19-уми май бо иштироки ҳудуди 80 созмону ташкилотҳои ҷомеаи шаҳрвандӣ ва созмонҳои ғайриҳукуматӣ миёни шаҳрҳои Алмаато, Остона, Бишкек, Душанбе ва Тошканд видео-конфронс баргузор карда шуд. Иштирокчиёни он бештар ба баррасии масоили ҳаҷми корҳо дар доираи таҳқиқоти баҳодиҳӣ, ба эътибор гирифтани масоили истеҳсоли энергия ва обёрӣ, бехатарӣ ва тобоварии сарбанди нерӯгоҳ ба заминларза, таъсири сохтмони нерӯгоҳ ба вазъи обёрӣ ва экологии минтақа, кӯчонидани аҳолии дар мавзеи обанбор иқоматдошта ва ширкати фаъоли ҷомеаи шаҳрвандӣ дар ҷараёни таҳқиқот таваҷҷӯҳи хосса зоҳир сохтанд.
Бино ба маълумоти Бонки ҷаҳонӣ, чунин машваратҳо дар марҳилаҳои калидии баргузории таҳқиқот доир гардида, тақрибан дар муддати 18 моҳ бонк натоиҷи ниҳоии таҳқиқотро ба даст хоҳад овард.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста