Душанбе. 1-уми июн. «Азия-Плюс» — | Агар қитъаи Осиё ба рушди баланди иқтисодӣ ва коҳиши бештари партовҳои карбон ноил шуданӣ бошад, пас ӯро мебояд истеҳсоли энергияи офтобиро тавсеъа диҳад, - гуфт зимни суханронӣ дар маросими ифтитоҳи ҷаласаи сеюми ҳамоиши Осиё оид ба энергияи офтобӣ дар Бангкок ноиби президенти Бонки осиёгии рушд Саиою Жао.
Чӣ тавре ки ба ОИ «Азия-Плюс» аз намояндагии БОР дар шаҳри Душанбе хабар доданд, баҳри иштирок дар кори форум бо шумули ҳайати Тоҷикистон аз Вазорати энергетикаву саноат ва Кумитаи давлатии сармоягузорӣ ва идораи амволи давлатии ҷумҳурӣ, беш аз 300 нафар намояндагони сохторҳои давлатӣ, ширкатҳои хусусӣ ва коршиносони кишварҳои гуногуни ин соҳа гирдиҳам омадаанд. «Ин чорабинӣ баҳри пешбурди табодули афкору дониш созомн дода шуда, як қисмате аз Ташаббуси Осиё оид ба энергияи офтобӣ мебошад, ки моҳи майи соли 2010 бо дастгирии БОР ташкил гардид ва он ба тавсеъаи истифодаи энергияи офтобӣ дар минтақа тавассути лоиҳаҳои созгору муносиб равона гардидааст», - гуфтанд дар намояндагии бонк.
Сиаою Жао зикр кард, ки соли 2050 ҳиссаи қитъаи Осиё дар истеҳсоли глобалии маҳсулот, савдо ва сармоягузорӣ дар ҷаҳон метавонад ба 50% баробар шавад ва барои нигаҳдории мизони баланди рушд, ба Осиё таъмини амнияти энергетикӣ ва роҳандозии тарзҳои инноватсионии истеҳсоли энергия зарур аст.
Бино ба маълумоти БОР, кишварҳои қораи Осиё бемалол метавонанд аз энергияи офтобӣ пурсамар истифода кунанд, вале мавҷуд набудани механизмҳои муносиби маблағгузории лоиҳаҳо, маҳдудиятҳои ниҳодӣ ва норасоии донишу таҷриба ба ин монеъа мешавад. Дар кишварҳои дар ҳоли рушд қарордоштаи Осиё ҳудуди 900 млн. нафар ба нерӯи барқ дастрасӣ надоранд ё барои истифодаи он қимати беҳад гарон пардохт менамоянд, зеро он асосан тавассути маводи сӯхти канданиҳои фоиданок истеҳсол мегардад.
Зикр гардид, ки айни замон танҳо 0.25%-и энергияи дар қораи Осиё истеҳсолшуда ба энергия офтобӣ рост меояд ва онро дар фурсатҳои наздик мебояд ба 3-5% расонид.
Қобили зикр аст, ки соли 2010 БОР ба рушди энергияи тоза 1,8 млрд. доллари ИМА маблағгузорӣ кард, ки ин нишондиҳанда муддати се соли ахир аз 1 млрд. $-и пешбинишуда бештар аст.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста