Бонки осиёии рушд (БОР) хонум Шенни Кэмпбелл ((Shanny Campbell)-ро намояндаи нави доимии худ дар Тоҷикистон таъин намуда, имрӯз ӯ ба иҷрои вазифаҳои худ дар ин мансаб пардохт.
Хонум Кэмпбелл ба амалиёти БОР дар Тоҷикистон, коркард ва иҷрои стратегияи ҳамкории Бонкро бо кишвар барои дастгирии ҳадафҳои миллии рушд ва ислоҳот раҳбарӣ мекунад.
Шенни Кэмпбелл шаҳрванди Зеландияи Нав ва Британияи Кабир буда, соли 2010 аз бахши хусусӣ ба БОР ба кор гузашт. Ӯ дар 26 кишвари дунё дар соҳаҳои нақлиёту энергетика, бахши кишовразӣ ва хоҷагии об, инчунин соҳаи молия таҷрибаи 26-солаи корӣ дорад.
То таъиноти мазкур ӯ ба ҳайси сармутахассиси БОР оид ба нақлиёт, муовини намояндагии домии БОР дар Афғонистон ва дигар мансабҳо фаъолият дошт. Дорои дараҷаи магистри рушд ва бакалаври илмҳои Донишгоҳи Виктория дар Веллингтон, Зеландияи Нав мебошад.
Бону Кэмпбелл Прадип Сриваставаро иваз мекунад, ки дар мансаби намояндаи доимии БОР дар Тоҷикистон аз соли 2017 то моҳи декабри соли 2020 кор кард.
Тоҷикистон соли 1998 ба узвияти БОР пазируфта шуда, ин ниҳоди байнулмилалии молӣ яке аз ташкилотҳои асосии мададрасон ба ҷумҳурӣ маҳсуб меёбад. То имрӯз ҳаҷми маблағҳои ҷудошудаи ин ниҳод ба Тоҷикистон ба сифати қарзҳои имтиёзнок, грант ва кумакҳои техникӣ ҳудуди 2,2 млрд. доллари ИМА-ро ташкил медиҳад.
Бонки осиёии рушд соли 1966 таъсис дода шуд. Саҳмдорони бонк 68 кишвар буда, 49-тои он дар минтақаи Осиё ва Уқёнуси Ором ҷойгиранд. Ин минтақаро шукуфо, ҳамгиро, ба ҳаёт тобовару устувор кардан ва аз байн бурдани қашшоқӣ аз ҳадафҳои БОР унвон мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста