Маблағи умумии қарздорӣ аз пардохти музди меҳнат бо дарназардошти солҳои гузашта ба ҳолати 1 июни соли равон 57 млн 713 ҳазор сомониро ташкил додааст. Дар ин бора имрӯз, 28 июл, дар нишасти матбуотӣ вазири меҳнат, муҳоҷират ва шуғли аҳолии кишвар Ширин Амонзода хабар дод.
Бино ба иттилои вазир, шумораи нафароне, ки корхонаву ширкатҳои Тоҷикистон аз онҳо қарздор мебошанд, 14080 нафарро ташкил дода, кормандони 75 корхона мебошанд.
Амонзода гуфт, ки қарзодорони асоси музди меҳнат дар кишвар корхонаҳои азими саноатӣ ҳастанд, ки қарздории меросӣ доранд. Ба таъкиди ӯ барои бартараф намудани қарздорӣ аз ҳисоби музди меҳнат зина ба зина чораҳо андешида шуда истодаанд.
- Дар натиҷаи корҳои фаҳмондадиҳӣ ва ҷаласаҳои гузаронидашудаи ситодҳои сайёри вазорат наздики 10 ташкилоту муассиса қарзҳояшонро пурра бартараф намуда, 13 ташкилоту муассисаи дигар қарзи музди меҳнатро кам намуданд,- гуфт Амонзода.
10 корхонаи бузурги қарздор кадомҳоянд?
Ба суоли “Азия плюс” дар бораи 10 корхонаи калони қарздор аз музди меҳнат, сардори хадамоти назҳорати давлатӣ дар соҳаи меҳнат, муҳоҷират ва шуғли аҳолӣ Дустмурод Муродзода гуфт, ки дар байни онҳо ҶСК “Тоҷик Эйр” ва ҶСФ “Сохтмони асосии ҶСК НБО Роғун”-и ноҳияи Файзобод ҳам ҳаст, ки ба ҳолати 1 июни соли равон якуми 5,5 млн сомонӣ ва дуввумӣ 3,2 млн сомонӣ қарзи музди меҳнат доранд.
Ҳамин тариқ, қарздории музди меҳнат дар ҶСК “Тоҷикнақбсоз” 1,5 млн сомонӣ, ҶСК “Азот” 6 млн сомонӣ, ҶСК “Тамохуш” 2,4 млн сомонӣ, ҶСК “Комбинати маъдантозакунии Адрасмон”-и шаҳри Исфара 12,7 млн сомонӣ, КВД “Ширкати алюмини тоҷик”-и ноҳияи Ҳисор 10,6 млн сомонӣ, ҶДММ “Биносоз” 1,4 млн сомонӣ, ҶДММ “Талко Кемикал”-и Леваканд 2,9 млн сомонӣ ва КДФ “Кони ангишти Назарайлоқ” 573,2 ҳазор сомониро ташкил медиҳад.
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Кулли ахбор
Авторизуйтесь, пожалуйста