Бонки миллии Тоҷикистон аз интишор ва ба муомилот баровардани пулҳои коғазии намунаи нави соли 2021 хабар дод. Қарори марбутаи Раёсати Бонки миллӣ дар ин бора рӯзи 16-уми ноябр содир шудааст.
Бар асоси иттилоияи Бонки миллӣ, пулҳои коғазии 10, 20, 50, 100, 200 ва 500 сомонӣ дар намунаи нав ба муомилот бароварда мешаванд.
Бонки миллӣ далели интишору вориди муомилот кардани пулҳои коғазии намунаи навро нагуфтааст, аммо таъкид шудааст, ки намунаҳои нав "дар баробари пулҳои коғазии барориши солҳои 1999, 2010, 2017 ва 2018, ки дар муомилот мавҷуданд, баробар гардиш менамоянд".
Бар асоси тағйироте, ки дар аксҳои болои пулҳои коғазии намунаи нав дида мешавад, танҳо дар номинали 100-сомонӣ ба ҷойи бинои пештараи Ҳукумати Ҷумҳурии Тоҷикистон, ки миёни мардум бо номи "Қасри президент" маъруф буд, бинои "Кохи Наврӯз" ҷой дода шудааст.
Бинои пешини Ҳукумати Тоҷикистон моҳи июли соли 2020 тахриб карда шуд ва ҳоло танҳо нимае аз бино ба унвони қароргоҳи роҳбарии ҳукумати шаҳри Душанбе боқӣ мондаасту халос.
Бонки миллии Тоҷикистон барои ҳамлу нақл, баҳисобгирӣ ва ташкил намудани шароит ҷиҳати ба муомилот баровардани пулҳои коғазии намуна ва барориши соли 2021 бо арзишҳои номиналии 10, 20, 50, 100, 200 ва 500 сомонӣ, тибқи тартиби муқарраршуда чораҳои зарурӣ меандешад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Падари Исломовҳо аз болои қарори ҳабсашон тибқи парвандаи “Крокус” шикоят бурд
Худкушии як донишҷӯ дар хобгоҳ. Ин ҳодисаи дуввуми марги донишҷӯ дар ДДХ давоми ду ҳафтаи охир аст
Кумитаи тафтишоти Русия аз боздошти боз як гумонбари ҳамла ба “Крокус Сити Ҳолл” хабар дод
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Кулли ахбор
Авторизуйтесь, пожалуйста