Қурби расмии рубли Русия нисбат ба пули тоҷикӣ тайи рӯзҳои ахир ба андозаи қариб 1,8% поин рафт.
Мувофиқи қурби расмии аз ҷониби Бонки миллии Тоҷикистон (БМТ) муқарраршуда, 23 ноябр 1 ҳазор рубли русӣ 150,6 сомонӣ ва як рӯз пеш - 153,3 сомонӣ нарх дошт.
Тамоили беқурбшавии рубли русӣ нисбат ба сомонӣ муддати ду ҳафтаи ахир ба мушоҳида мерасад. Дар ин давра асъори Русия дар баробари арзи миллии Тоҷикистон 5,3% -аз 159,1 сомонӣ барои 1 ҳазор рубл беқурб шуд.
Қурби расмии сомонӣ нисбат ба доллари амрикоӣ дар ин давра тақрибан бетағйир боқӣ мемонад - 11,29 сомонӣ барои 1 доллар.
Қурби расмӣ - қурби миёнвазни ғайринақди мубодилаи асъор дар бозорҳои байнибонкӣ ва дохилибонкӣ мебошад.
Дар Русия қурби доллар боло меравад
Бино ба маълумоти ВАО-и Русия, аз 22 октябр то 22 ноябр қурби доллар аз 70 рубл то ба 73 рубл боло рафт.
“Сабаб - буҳрони муҳоҷират дар Беларус, инчунин маҳдудиятҳои нави марбут ба коронавирус дар Аврупо мебошанд, ки ба поинравии нархи нафт боис гардиданд”, - менависад нашрияи “Коммерсантъ”.
Тайи чор ҳафтаи ахир нархи нафт поин рафта, чанде пеш, рӯзи 22 ноябр бори нахуст аз 1 октябр то сатҳи 78 доллар кам шуд.
Қобили зикр аст, ки то 90%-и интиқоли пул ба Тоҷикистон бо рубли Русия сурат мегирад, ки тибқи иттилои манобеи мухталиф, беш аз 1 млн нафар шаҳрвандони ҷумҳурӣ дар ин кишвар кору зиндагӣ мекунанд.
Бо дастури махсуси Бонки миллии Тоҷикистон аз соли 2016 интиқоли маблағ бо рубл танҳо бо асъори миллӣ пас аз мубодилаи он бо назардошти қурб дар ҳамон рӯз дода мешавад.
Қабулкунандагони ин маблағҳо оилаҳои муҳоҷирони тоҷик мебошанд, ки бо беқурбшавии рубл нисбат ба сомонӣ, қисмате аз даромади худро аз даст медиҳанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Кулли ахбор
Авторизуйтесь, пожалуйста