Давоми шабонарӯзи гузашта қурби рубли Русия дар Тоҷикистон нисбат ба асъори маҳаллӣ (сомонӣ) ба андозаи 4,3% поин рафт.
Мувофиқи қурби расмии аз ҷониби Бонки миллии Тоҷикистон барои имрӯз, 22 феврал муқарраршуда, 1 ҳазор рубл ба 144 сомонӣ баробар мебошад, ки 5 сомонӣ камтар нисбати як рӯзи пештар аст.
Беқурбшавии рубли Русияро тайи шабонарӯзи гузашта ВАО-и ин кишвар ба шиддат гирифтани вазъияти марбут ба Укроин рабт медиҳанд.
“Қурби доллар замони ифтитоҳи савдо дар Биржаи Маскав рӯзи 22 феврал марзи 80 рублро гузашт. Бозори саҳмияҳои Русия аз рӯи индекси Биржаи Маскав қариб 5% поин рафт. Сабабаш вазъи геополитикӣ аст”, - хабар медиҳад “Российская газета”.
Гуфта мешавад, қурби доллар чанде қабл замони муроҷиати видеоии президенти Русия Владимир Путин дар робита ба вазъият дар Укроин ва эътирофи Ҷумҳурии мардумии Донетск ва Ҷумҳурии мардумии Луҳанск марзи 80 рублро гузашта буд.
“Субҳи рӯзи 22 феврал коғазҳои қиматноки пардохтпазир ҷараёни чандҷониба нишон медиҳанд, бахусус қимати “Газпром” ва “Роснефт” меафзояд. Қурби расмии доллар ва евро дар ҳоли ҳозир беш аз 3 рубл поинтар нисбат ба биржаҳо аст”, - зикр мегардад дар хабар.
Қобили зикр аст, ки қурби рубл дар бонкҳои Тоҷикистон барои оилаҳои муҳоҷирони тоҷик, ки саробонашон дар Русия кор мекунанд, хеле муҳим аст.
Ҳамчунин мебояд гуфт, аз соли 2016 бо дастури Бонки миллии Тоҷикистон маблағҳои интиқол бо рубли Русия дар бонкҳои ҷумҳурӣ танҳо бо арзи миллӣ пас аз мубодилаи он бо қурби ҳамон лаҳза дода мешаванд.
Бино ба маълумоти мақомоти муҳоҷирати Русия, зиёда аз 1 млн шаҳрванди Тоҷикистон дар қаламрави ин кишвар қарор доранд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста