Рӯзи 24 феврал, пас аз ҳамлаи низомии Русия ба Укроин қурби рубли русӣ дар Тоҷикистон якбора поин рафта, 1000 рубли русӣ аз 141 сомонии ду рӯз пеш, имрӯз ба 128 сомонӣ расидааст.
Сокинони Тоҷикистон бо нашри аксҳои тоблуҳои қурби харид ва фурӯши асъор дар бонкҳои Тоҷикистон навиштаанд, ки дар чанде аз бонкҳо (Бонки “Эсхата” ва “Спитаменбонк”) рӯзи панҷшанбе 1000 рубли русӣ ба 128 сомонӣ баробар шудааст. Ин дар ҳолест, ки дар таблои Бонки “Эсхата” фурӯши рубли русӣ барои 1000 рубл 130 сомонӣ ва дар “Спитаменбонк” 140 сомонӣ нишон дода шудааст.
Сомонаи "Алиф бонк" ҳам қурби рубли русиро барои 24 феврали соли равон барои 1000 рубл 130 сомонӣ муқаррар кардааст. Барои фурӯш бошад 141 сомонӣ нишон додааст.
Поин рафтани қурби рубли русӣ дар бархе бонкҳои Тоҷикистон дар ҳолест, ки Бонки миллии Тоҷикистон дар сомонаи расмиаш қурби 1000 рубли русиро барои рӯзи 24 феврали соли 2022-юм 141 сомонӣ нишон додааст.
Дар оғози ҳафтаи равон қурби рубли русӣ дар кишвар ба 149 сомонӣ баробар буд. Дар давоми се рӯзи ахир қурби асъори Русия дар бозори арзи кишвар 21 сомонӣ коҳиш ёфтааст.
Паст шудани қурби рубли русӣ аҳолии Тоҷикистонро нигарон кардааст. Ин ба он вобаста аст, ки беш аз як миллион аҳолии Тоҷикистон дар Русия ба ҳайси муҳоҷир кор мекунанд ва бахши зиёди онҳо ҳаққи кори худро бо рубли русӣ ба кишвар мефиристанд
Интизор меравад, ки бо идома ёфтани таниш миёни Русия ва Укроин қурби рубли русӣ дар Тоҷикистон боз пасттар шавад.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста