Қурби расмии сомонӣ нисбат ба рубли Русия, ки аз ҷониби Бонки миллии Тоҷикистон муқаррар мешавад, тайи рӯзҳои истироҳати ҳафтаи сипаришуда қариб ба андозаи 5% - аз 0,1634 дар рӯзи ҷумъа, 8 апрел то ба 0,1715 сомонӣ барои 1 рубл имрӯз, 11 апрел поин рафт.
Қурби расмии сомонӣ нисбат ба доллар бетағйир (12,50 сомонӣ барои 1 доллар) боқӣ монда, дар баробари евро ба миқдори 0,5% - аз 13,6438 сомонӣ то ба 13,5775 сомонӣ барои 1евро боло рафт.
Қурби расмии сомонӣ нисбат ба асъори хориҷӣ аз ҷониби Бонки миллии Тоҷикистон ҳамарӯза муқаррар шуда, барои баҳисобгирии муҳосибӣ ва пардохти андоз, инчунин ҳисоббаробарӣ кардани пардохтҳои гумрукӣ ва дигар ҳисобҳо истифода мешавад.
Қобили зикр аст, ки тайи ҳафтаи ахир тамоили болоравии қурби рубл нисбат ба сомонӣ ба мушоҳида расида, аз 4 апрел қурби он ба андозаи 16% зиёд шуд.
Қурби рубл нисбат ба сомонӣ бар асари афзоиши қурби он дар баробари доллар боло меравад - аз оғози моҳи апрел асъори Русия ба сатҳи “то амалиёти махсуси низомӣ”” бозгашт. Охири ҳафтаи гузашта дар Биржаи Маскав қурби доллар бори нахуст аз моҳи июни соли 2020 ба сатҳи камтар аз 72 рубл поин фаромад.
Коршиносони Русия бар ин назаранд, ки қурбли рубл дар натиҷаи афзоиши талабот ба он нисбат ба пешниҳод боло рафта, метавон гуфт, ки қурби воқеии доллар нисбати рубл 74 рубл барои 1 доллар хоҳад буд.
Қобили зикр аст, ки қурби рубл барои оилаҳои муҳоҷирони тоҷик, ки саробонашон дар Русия кор мекунанд, хеле муҳим аст.
Ҳамчунин мебояд гуфт, аз соли 2016 бо дастури Бонки миллии Тоҷикистон маблағҳои интиқол бо рубли Русия дар бонкҳои ҷумҳурӣ танҳо бо арзи миллӣ пас аз мубодилаи он бо қурби ҳамон лаҳза дода мешаванд.
Тибқи маълумоти Бонки марказии Русия, соли 2021 шахсони воқеӣ аз Русия ба Тоҷикистон 1,8 млрд доллар маблағ фиристодаанд, ки 95%-и он бо рубл фиристода шудааст.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Кулли ахбор
Авторизуйтесь, пожалуйста