Арабистони Саудӣ ба Тоҷикистон 25 тона хурмо ҳадя кардааст. Ин миқдор хурмо аз сӯйи Маркази имдод ва кумакҳои башардӯстонаи Шоҳ Салмон дар як маросими хос ба ҷониби Тоҷикистон ҳадя шуд.
Маросими таҳдими хурмо, имрӯз 16-уми май дар Подшоҳии Арабистони Саудӣ дар Душанбе баргузор гардид. Дар ин маросим сафири Подшоҳии Саудӣ дар Тоҷикистон, Валид ибни Абдураҳмон ар-Решайдон, намояндагони Маркази имдод ва кумакҳои башардӯстонаи Шоҳ Салмон ва муовини мудири Агентии захираҳои моддии давлатии назди Ҳукумати Тоҷикистон, Соҳибҷон Зиёдуллоев ва сардори Шуъбаи робитаҳои байналмилалии ин ниҳод Абдукарим Раҳимов ширкаткарданд.
Подшоҳии Арабситони Саудӣ, ҳамасола ба Тоҷикистон миқдори зиёди хурморо ҳамчун ҳадяҳои подшоҳи ин кишвар Салмон бин Абдулазиз Оли Сауд таҳдим мекунад.
Арабистони Саудӣ яке аз кишварҳои фаъоли ёрирасони Тоҷикистон ба ҳисоб меравад.
Аз ҷумла, чанде пеш ин кишвар эълон кард, ки дар доираи як созишномаи ҳамкорӣ барои 600 ятим дар минтақаҳои гуногуни Тоҷикистон ҳар моҳе 100 доллари амрикоӣ ёрии молӣ мерасонад. Ин кумакҳо низ аз сӯйи Маркази имдод ва ёриҳои башардӯстонаи шоҳ Салмон расонида мешаванд.
Дар доираи ин тарҳ ба 600 ятим дар минтақаҳои Бохтару Кӯлоб ва ВМКБ дар давоми як сол ёрии молӣ расонида мешавад, ки ҳаҷми умумии ин ёриҳо $811,996 гуфта мешавад.
Ин тарҳро дар Тоҷикистон Ҷамъияти Ҳилоли Аҳмари Тоҷикистон пиёда мекунад. Дар ин маврид дар қароргоҳи Сафорати Саудӣ дар Душанбе, байни ин ниҳод ва Маркази имдод ва ёриҳои башардӯстонаи шоҳ Салмон Созишномаи ҳамкории муштарак ба имзо расид.
Сафири Подшоҳии Арабаистони Саудӣ дар Тоҷикистон Валид бин Абдурраҳмон ар-Рушайдон дар маросими имзои ин созишнома гуфта буд, ки лоиҳаи нав марҳилаи дувуми тарҳ буда, аз ин пештар ба 500 ятим ҳар моҳ 100 доллари амрикоӣ расонидани ёриҳоро оғоз кардаанд ва кунун бо илова шудани 600 ятими дигар, шумораи умумии гирандагони ин ёриҳо ба 1100 ятим расид.
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Кулли ахбор
Авторизуйтесь, пожалуйста