Вазири саноат ва технологияҳои нави Тоҷикистон Шералӣ Кабир бо фаъолияти корхонаҳои саноатии ВМКБ шинос шуд.
Дар доираи сафари корӣ ба ноҳияи Шуғнони ВМКБ Шералӣ Кабир ҳамроҳи раиси вилоят Алишер Мирзонабот бо фаъолияти коргоҳи коркарди тути «Тути Помир» дар ҷамоати деҳоти Сучон аз наздик ошно гардид.
Дар рафти шиносоӣ бо фаъолияти истеҳсолии коргоҳи саноатии хурд вазир ба шахсони масъул дар мавриди афзоиши ҳаҷми истеҳсоли саноатӣ ва содироти маҳсулоти коргоҳ ба хориҷи кишвар тавсияҳои муфид дод.
Шералӣ Кабир ҳамчунин аз Литсейи касбии техникии ноҳияи Шуғнон боздид намуда, аз масъулини муассиса даъват намуд, ки барои омода намудани мутахассисони ҷавобгӯ ба талаботи бозори муосири корӣ кӯшиш ба харҷ диҳанд.
Ба коргоҳи дӯзандагии таъсисёфта дар заминаи литсей Шералӣ Кабир ва Алишер Мирзонабот доир ба роҳандозии дӯхти сарулибоси мактабӣ барои муассисаҳои таълимии вилоят дастурҳои мушаххас доданд.
Ғайр аз ин, вазири саноат ва раиси ВМКБ бо фаъолият корхонаи коркарди пашм дар ноҳияи Роштқалъа шинос шуданд.
Мувофиқи барномаи саноатикунонӣ, дар вилоят сохтмони якчанд корхонаи хурд, ки ба коркарди ашёи хоми маҳаллӣ асос ёфтааст, ба нақша гирифта шудааст.
Қобили зикр аст, ки чанде пеш ҶДММ “Тути Помир” маҳсулоти худро дар намоишгоҳи байнулмилалии “Тоҷикистон-2022” муаррифӣ кард.
Раиси ширкат Тоҷиддин Саидюнов зикр кард, ки корхонаи онҳо маҳсулоти хешро айни ҳол ба Русия ва бархе аз кишварҳори хориҷӣ содирот менамояд.
“Маҳсулоти мо, пеш аз ҳама, аз ҷиҳати экологӣ тоза ва хушсифат мебошад. Дар намоишгоҳ мо имрӯз 10 намуди маҳсулоти худро пешкаши иштирокчиён намудем, ки ҳамаи он бо технологияи муосиру ҳозиразамон омода карда мешаванд. Маҳсулоти мо аз меваи тут, зардолу, анҷир, имбир, кунҷит ва дигар намуди мевагиҳо омода мегарданд. Дар хориҷа ба маҳсулоти мо таваҷҷуҳи хеле зиёд доранд, ки аллакай пешниҳодҳои содиротӣ ба ҷониби мо шуда истодаанд. Мо дар оянда кӯшиш дорем, то иқтидори истеҳсолии корхонаи худро боз ҳам калонтар намуда, шумораи бештари кормандонро бо ҷойи кору маоши хуб тамин созем”, - гуфт ӯ дар мусоҳиба бо хабарнигори АМИТ “Ховар”.
“Қадаш як ваҷаб аст, автоматро қапида наметавонист”. Сӯҳбати озоди волидони Далерҷон Мирзоев бо хабарнигорон
Дар Тоҷикистон “ҷодугарону муллоҳои тӯмордеҳ”-ро рӯйхат мекунанд
Туркия ба Тоҷикистон барои харидории бесарнишин $1,5 млн ва барои таълими низомиёни тоҷик $62 ҳазор медиҳад
Боздошти капитани милитсия бо 20 ҳазор сомонӣ пора
Дар Тоҷикистон мехоҳанд боз як қонун қабул кунанд. Он ба рушди соҳибкории иҷтимоӣ то куҷо мусоидат мекунад?
ВАО: Сафорати Тоҷикистон дар Русия доир ба тафтиши ҳамла ба “Крокус” изҳори назар намекунад
Муҳаққиқи тоҷик пешниҳод кард, ки 15 апрел Рӯзи Айнӣ эълон шавад
Ҳабси шаҳрванди Тоҷикистон дар Твер ба гумони қайди қалбакии иштирокчиёни парвандаи “Крокус”
Футболбозони ҷавони тоҷик Ҷоми Осиёро бо бохт оғоз карданд
Ҳамаи коргарони “Крокус”-ро ба даст доштан дар амали террористӣ месанҷанд
Кулли ахбор
Авторизуйтесь, пожалуйста