Вазири рушди иқтисод ва савдои Тоҷикистон Завқӣ Завқизода рӯзи 5 сентябр зимни вохӯрӣ бо роҳбари Фонди “Зиндагӣ ва рӯзгордорӣ”-и Бонки исломии рушд (БИР) Валид Аддас даъват кард, ки маблағгузорӣбарои ҳалли масоили иҷтимоӣ зиёдтар карда шавад.
Тавре ки дафтари матбуоти Вазорати рушди иқтисод хабар медиҳад, дар вохӯрӣ инчунин директори минтақавии БИР дар минтақаи Осиёи Марказӣ Иброҳим Шукрӣ низ ҳузур дошт.
“Вазир аз ҷониби ҳайати Бонк даъват ба амал овард, ки бо назардошти таъсири буҳронҳои ҷаҳонии имрӯза маблағгузориро барои дастгирии соҳаҳои афзалиятноки иқтисоди миллӣ, бахусус ҳалли масъалаҳои иҷтимоӣ бештар намоянд, ки хуш пазируфта шуд”, - омадааст дар хабар.
Гуфта мешавад, Фонди “Зиндагӣ ва рузгордорӣ” соли 2016 таъсис дода шуда, айни замон дар 33 кишвари аъзои Бонк фаъолият мекунад.
Ба иттилои манбаъ, дар Тоҷикистон лоиҳаи ин фонд - «Беҳтар намудани хизматрасонии тиббӣ барои модар ва кӯдак дар 4 ноҳияи вилояти Хатлони ҶТ» ба маблағи 27 млн. доллар мавриди амалишавӣ қарор дорад.
Зикр мегардад, ки дар мулоқот масъалаҳои рафти иҷрои лоиҳа, беҳтар намудани хизматрасонии тиббӣ, санитария ва таъмини оби нӯшокӣ дар ноҳияҳои дурдасти кишвар мавриди баррасӣ қарор гирифтанд.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста