Ҳукумати Тоҷикистон ба вазорату идора ва мақомоти маҳаллии ҳокимияти давлатӣ дастур дод, ки аз хароҷоти дуюмдараҷаи маблағҳои буҷет худдорӣ кунанд.
“Бо мақсади истифодаи самараноки маблағҳои буҷетӣ ва бо дарназардошти иҷрои воқеии буҷети давлатӣ аз пешниҳоди дархостҳо оид ба маблағгузории иловагӣ қатъиян худдорӣ намоянд”, - омадааст дар қарори ҳукумат вобаста ба “вазифаҳо то охири соли 2022”.
Ин санад дар портали иттилооти ҳуқуқии Вазорати адлияи ҷумҳурӣ нашр шуда, дар он ҳамчунин дар бораи “андешидани чораҳои зарурӣ дар самти истифодаи мақсадноки маблағҳои буҷетӣ, худдорӣ аз хароҷоти дуюмдараҷа, дарёфти сарчашмаҳои нави даромад, иҷрои сифатнок ва пурраи қисми даромади буҷети давлатӣ, идоракунии самараноки молияи давлатӣ” сухан меравад.
Дар ҳамин ҳол, супориш дода мешавад, ки бо мақсади таъмини иҷрои буҷети давлатӣ, пурра ва сари вақт маблағгузорӣ намудани ҳама соҳаҳои иқтисодиёт тадбирҳо андешида шаванд.
Қобили зикр аст, ки моҳи марти соли равон ҳукумат нақшаи зиддибуҳронӣ қабул кард, ки дар бандҳои он маҳдуд кардани хароҷоти ғайриафзалиятноки буҷетӣ, аз ҷумла хароҷот барои харидани мошину таҷҳизот, таъмири биноҳо, харҷи сафарҳои хидматӣ ва ғайра пешбинӣ шудааст.
Бино ба маълумоти Вазорати молия, қисмати даромади буҷети давлатӣ дар нимсолаи аввали соли равон 2% барзиёд иҷро шуда, ба буҷет 15,1 млрд сомонӣ (ҳудуди 1,5 млрд доллар) маблағ ворид гардид.
Даромади буҷет асосан аз пардохти андозҳо иборат аст, ки ҳаҷми умумии онҳо 10,2 млрд сомониро ташкил дод. Ҳиссаи даромад аз пардохти андоз дар ҳаҷми умумии буҷети давлатӣ ба 67,5% баробар шуд.
Хароҷоти буҷети давлатӣ дар зарфи 6 моҳи соли ҷорӣ ҳудуди 14,2 млрд сомониро ташкил дод, ки 10% (1,3 млрд сомонӣ) зиёдар нисбат ба ҳамин давраи соли 2021 аст.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста