Соли гузашта ба Тоҷикистон ҳудуди 853 ҳазор тонна маҳсулоти нафтӣ ва 397 ҳазор тонна гази моеъ ворид карда шуд, хабар медиҳад Вазорати энергетика ва захираҳои оби ҷумҳурӣ.
Зиёда аз 88%-и маҳсулоти нафтии воридшуда ба гази моеъ, бензин ва сӯзишвории дизелӣ (солярка) рост меояд.
Аз ҷумла дар ҳаҷми зерин маҳсулоти нафтӣ оварда шудааст:
- 387 ҳазор тонна сӯзишвории дизелӣ;
- 320 ҳазор тонна бензин;
- 60 ҳазор тонна сӯзишвории реактивӣ;
- 40,6 ҳазор тонна кокси нафтӣ;
- 30 ҳазор тонна битум ва мазут;
- 1,2 ҳазор тонна дигар маҳсулоти нафтӣ.
Дар муқоиса бо соли 2021 воридоти маҳсулоти нафтӣ ва гази моеъ дар соли 2022 ба андозаи 14% ё худ 154 ҳазор тонна зиёд шудааст.
Қаблан Вазорати энергетикаи ҷумҳурӣ хабар дода буд, ки воридоти маҳсулоти нафтии Русия тариқи имтиёз зиёд шуд.
Ёдрас мекунем, ки аз соли 2013 Тоҷикистон маводи сӯзишвориро аз Русия бар асоси имтиёз (бидуни пардохти боҷи содиротии гумрукӣ) мегирад. Мақомоти салоҳиятноки ду кишвар то 1 октябр ҳаҷми истифодаи дохилиро дар Тоҷикистон барои соли оянда мувофиқа карда, тавозунҳои индикативӣ ба имзо мерасонанд.
Ҳаҷми мувофиқашуда барои соли 2022 мисли солҳои пешин 830 ҳазор тоннаро ташкил медиҳад.
Ҳудуди 90%-и маҳсулоти нафтиро Тоҷикистон аз Русия ва беш аз 90%-и гази моеъро аз Қазоқистон ворид мекунад.
Бино ба маълумоти Агентии омори ҷумҳурӣ, соли 2022 дар Тоҷикистон аз ҳисоби коркади нафти худӣ ҳамагӣ 510 тонна бензин, 4 ҳазор тонна сӯзишвории дизелӣ, 5,1 ҳазор тонна мазут, 3,2 ҳазор тонна битум истеҳсол шудааст. Соли гузашта дар ҷумҳурӣ ҳудуди 25 ҳазор тонна нафт истихроҷ шудааст.
Дар Тоҷикистон ду корхонаи начандон бузурги коркарди нафт бо иқтидори умумии коркарди 150 ҳазор тонна дар як сол амал мекунад, ки ба ширкати “Ҳасан ва Ко” тааллуқ доранд.
Дар кишвар корхонаи бузурги коркарди нафт низ ҳаст: ширкати Dong Ying heli Investment and Development ҳанӯз чанд сол пеш сохтмони корхонаро дар минтақаи озоди иқтисодии “Данғара” ба итмом расонид, ки иқтидораш 1,2 млн тонна дар як солро ташкил медиҳад. Аммо бинобар сабаби мавҷуд набудани нафти хом, корхона то ҳол амал намекунад.
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Ба имтиҳонҳои муҳоҷирон дар Русия метавонад тағйирот ворид шавад
Кулли ахбор
Авторизуйтесь, пожалуйста