Бо супориши Эмомалӣ Раҳмон, раисҷумҳури Тоҷикистон ва барои таъмини бозори истеъмолии кишвар содироти картошка, пиёз ва сабзӣ манъ шудааст. Дар ин бора дирӯз, 30-юми январ, Қурбон Ҳакимзода, вазири кишоварзии кишвар, зимни нишасти матбуотӣ иттилоъ дод.
Вазири кишоварзӣ гуфт, дар ҷаласаи ахири Ҳукумати Тоҷикистон Эмомалӣ Раҳмон ба мақомоти масъул дастур дод, ки то муътадил шудани вазъият дар бозор содироти картошка, пиёз ва сабзӣ аз Тоҷикистон боздошта шавад.
Қарори манъи содироти ин навъи сабзавот дар ҳолест, ки дар пайи сардиҳои ахир, дар бозорҳои кишвар нархи пиёзу картошва ва баъзе намуд сабзавоти дигар ба якборагӣ боло рафт. Аз ҷумла, нархи 1 кг пиёз то ба 8 сомонӣ афзоиш ёфт.
Қурбон Ҳакимзода таъкид намуд, ки нархҳо дар бозор баъди ба даст омадани аввалин ҳосили сабзавот дар охири моҳи март ва аввали моҳи апрел муътадил хоҳад шуд.
Вазири кишоварзӣ гуфт, ки дар соли 2022 Тоҷикистон ба маблағи 54,3 миллион доллар беш аз 191 ҳазор тонна маҳсулоти кишоварзӣ содирот кардааст.
Ба гуфтаи ӯ, ин аз рӯи ҳаҷм нисбат ба соли қаблӣ 17,6 ҳазор тонна камтар аст.
“Аммо дар маҷмуъ 17,6 миллион доллар бештар аст. Беш аз 40 дарсади ҳаҷми умумии содироти маҳсулоти кишоварзиро сабзавот – 76,6 ҳазор тонна, аз он 66,6 ҳазор тоннаро пиёз ташкил медиҳад”,- зикр кард Қурбон Ҳакимзода.
Ба гуфтаи ӯ, содироти мева 29 дарсади ҳаҷми умумӣ ё 54,5 ҳазор тоннаро ташкил додааст.
“Кишварҳои ИДМ (92%), умдатан Русия ва Қазоқистон харидорони аслии сабзавоту меваи Тоҷикистон буданд”, - гуфт Ҳакимзода.
Вазири кишоварзӣ ҳамчунин зироатҳои афзалиятноки соли 2023 – пахта, картошка, пиёз ва сабзиро номбар кард.
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Сохтмони 53 мактаб бо $86 млн қарзи Бонки исломии рушд
Аввалин мулоқоти Шодӣ Ҳафиззода, сардори пешини “УБОП” дар маснади роҳбари дастгоҳи ВКД бо аҳли ҷомеа
Сохтмони Театри Маяковский моҳи май оғоз мешавад ва хароҷоти онро Русия ба зимма гирифтааст
Барои сохтани мактабҳо дар Тоҷикистон аз куҷо метавон беш аз 1 млрд сомонӣ пайдо кард?
Кулли ахбор
Авторизуйтесь, пожалуйста