Корхонаи истеҳсоли атласу адраси “Атласи Хуҷанд” дар соли 2023 таъсиси корхонаи муштараки “Самарқанд-Суғд Силк”-ро бо нассоҷони Ӯзбекистон дар нақша дорад.
Тавре ки Sugdnews хабар медиҳад, ба гуфтаи директори “Атласи Хуҷанд” Азимҷон Ғафуров, ин ҷо дар бораи муттаҳид шудан бо корхонаи Ӯзбекистон, ки ба коркарди пилла ва истеҳсоли риштаи абрешим машғул аст, сухан меравад.
Дар ҳамин ҳол, ӯ зикр кардааст, ки “Атласи Хуҷанд” то ин дам аллакай дар фаъолияти муштарак таҷриба дорад, аз ҷумла бо ширкати "LTD Bezema"-и Швейтсария ҳамкориҳо роҳандозӣ шудааст.
Ба иттилои Ғафуров, айни замон дар корхона 120 навъи атлас ва 34 навъи адрас истеҳсол мешавад. Ҳамасола дар як баст зиёда аз 50 мутахассис ва коргарон 50 ҳазор метр матоъ истеҳсол мекунанд.
Бо тавсеаи имконоти “Атласи Хуҷанд” ва таъсиси корхонаи муштарак бо ширкати Самарқанд, Тоҷикистон метавонад дар роҳи эҳёи соҳаи кирмакпарварӣ як қадами бузурге ба пеш гузорад.
Бино ба маълумоти Вазорати кишоварзӣ, тайи солҳои охир истеҳсоли пилла - ашьёи хоми асосии абрешим дар ҷумҳурӣ кам шуда истодааст.
Соли 2022 дар ҷумҳурӣ каме бештар аз 378 тонна пилла истеҳсол шудааст, ки 13,9% камтар нисбат ба соли пешин аст. Барои муқоиса: соли гузашта дар Ӯзбекистон зиёда аз 25 ҳазор тонна пилла истеҳсол шудааст.
Тибқи пешгӯии Вазорати рушди иқтисоди Тоҷикистон, ҳаҷми истеҳсоли пилла бояд то 1300 тонна дар як сол зиёд карда шавад.
Дар Тоҷикистон тайи 30 соли охир истеҳсоли пилла қариб 12 баробар кам шуд. Тибқи маълумоти оморӣ, соли 1991 дар Тоҷикистон 4 ҳазору 528 тонна пилла истеҳсол шуда буд.
Дар Барномаи нави рушди ин соҳа барои солҳои 2021-2024 обод кардани майдони тутзорҳо, нигоҳдорӣ ва афзоиши ҳосили дарахтони тут, бунёди тутзорҳои нав пешбинӣ шудааст, ки захираҳои зиёди молиявиро талаб мекунад.
Бо мақсади таҳкими заминаи хӯрокаи кирмак дар хоҷагиҳои ҷумҳурӣ то соли 2024 шинонидани 4 млн 375 ҳазор бех ниҳоли тут ва бунёди 180 гектар тутзорҳои нав дар назар аст.
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Ба бофандагон, дӯзандагон, кулолгарон... Дар Суғд ба 60 зани ҳунарманд грант медиҳанд
“Бештар хонандагони мактаб мераванд”. Андешаи сокинон перомуни театри тоҷик
Шӯрои уламо: “Ба суханони уламои кишвар амал кунед”
Наздикони ду гумонбари ҳамла ба "Крокус Сити Ҳолл"-и Маскав дар Тоҷикистон аллакай бозпурсӣ шудаанд
“Виза” ҷорӣ шавад”. Баъди ҳамла ба “Крокус Сити Ҳолл” вакилони Русия хостори ҷорӣ кардани раводид бо Тоҷикистон шуданд
Кулли ахбор
Авторизуйтесь, пожалуйста