Сарвазири Русия Михаил Мишустин изҳор дошт, ки Русия ва Тоҷикистон ба густариши равобити тиҷоративу иқтисодӣ ва ҳифзи ҳамкориҳои дуҷониба аз таҳримҳои ғайриқонунии Ғарб афзалият медиҳанд.
"Мо тавассути ҳукумат иҷрои тавофуқоти раҳбаронамонро таъмин мекунем, ба таҳкими равобити тиҷорӣ ва иқтисодӣ ва ҳамкории мутақобила, ҳифзи он аз таҳримҳои ғайриқонунии Ғарб афзалият медиҳем", - иброз доштааст Мишустин рӯзи 8 июн зимни мулоқот бо сарвазири Тоҷикистон Қоҳир Расулзода.
Тавре ки хабаргузории ТАСС иттилоъ медиҳад, Мишустин ёдовар шудааст, ки Русия яке аз шарикони асосии тиҷорати хориҷии Тоҷикистон аст: дар соли 2022 гардиши мутақобилаи мол байни кишварҳо 18% афзоиш ёфта, қариб ба 105 млрд рубл расидааст.
“Сармоягузориҳои Русия ба иқтисоди Тоҷикистон афзоиш ёфта, ширкатҳои ватанӣ дар бахши энергетика, иқтисоди рақамӣ, тандурустӣ, сайёҳӣ ва як қатор бахшҳои дигар фаъолона кор мекунанд», - гуфтааст сарвазири Русия.
Ба гуфтаи Мишустин, ба ҳамкориҳои фарҳангӣ ва гуманитарӣ таваҷҷуҳи хосса зоҳир мешавад.
“Имсол баргузории Рӯзи синамои Русия ва Рӯзҳои фарҳанги Русия дар Тоҷикистон дар назар аст”, - изҳор доштааст ӯ.
Ӯ ҳамчунин зикр кардааст, ки аз 1 сентябри соли гузашта дар Тоҷикистон панҷ мактаби таҳсилоти умумии аз ҷониби Русия сохташуда бо таълим ба забони русӣ ва тибқи меъёрҳои таълимии Русия ба кор шурӯъ карданд.
"Ва ман боздид аз яке аз ин мактабҳо - мактаби ба номи Юрий Гагаринро низ бо камоли мамнуният ба ёд меорам. Ман дар моҳи март ҳангоми сафари худ ба Душанбе аз он боздид кардам, аз худи мактаб, суҳбат бо хонандагони он, рӯҳияи дӯстӣ ва хотираи умумии таърихӣ, фарҳанг ва толибилмону омӯзгорони ин муассиса таассуроти беҳтарин бардоштам. Ташаккури зиёд барои ин лоиҳа”, - зикр кардааст Мишустин.
Сарвазири Русия гуфтааст, ба тавсеаи ҳамкориҳои байниминтақавӣ, ки ба афзоиши гардиши мол, ҷалби сармоя ва роҳандозии лоиҳаҳои нави муштараки ҳамкорӣ мусоидат мекунад, таваҷҷӯҳи зиёд зоҳир карда хоҳад шуд.
Ёдрас мекунем, ки сарвазири Тоҷикистон Қоҳир Расулзода дар шаҳри Сочии Русия қарор дошта, чанде пеш дар ин ҷо ҷаласаи Шӯрои байниҳукуматии Иттиҳоди иқтисодии АвруОсиё (ИИАО) доир гардид. Дар он Қоҳир Расулзода ба сифати меҳмони даъватшуда ширкат варзид.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста