Ҳукумати Тоҷикистон дар бораи бахшиши 238 ҳазор сомонӣ қарзи “Раёсати таъмиру сохтмонии Дастгоҳи Маҷлиси намояндагон” қарор ба имзо расонидааст.
Дар қарор омадааст, ин қарз аз рӯйи андозҳо, ҷаримаҳо ва фоизҳои то 1 октябри соли 2024 ҷамъшуда ба вуҷуд омада буд. Аз ҷумла 16 ҳазору 678 сомонии он аз ҳисоби андозҳо буда, 221 ҳазору 569 сомонӣ аз ҳисоби фоизу ҷаримаҳо будааст.
Моҳи октябри соли гузашта низ ҳукумат беш аз 33 миллион қарзи як қатор корхонаҳои давлатӣ, аз ҷумла ҶСК “Тоҷик Эйр” (ҳудуди 15,5 млн сомонӣ) ва корхонаи “Кони ангишти Назар-Айлоқ” (зиёда аз 14,8 млн сомонӣ)-ро, ки корхонаи фаръии КВД “Ангишти тоҷик” мебошад, бахшида буд.
Пештар аз ин беш аз 43 миллион қарзи андози КВД “Хоҷагии манзилию коммуналӣ” ва 134 миллион сомонӣ қарзи андози корхонаҳои зертобеъи Хадамоти алоқа (ҶСК “Тоҷиктелеком” ва КВД “Маркази мутобиқати электромагнитӣ ва радиомониторинг”), ҶСК “Тоҷиктрансгаз”, ҶСК “Суғдиён”, ки ба Агентии захираҳои давлатии моддии назди ҳукумат мансуб аст, бахшида шуда буданд.
Ҳамчунин фоизҳо аз андози ҶСК “НБО Роғун”, ки саҳмиядори асосӣ ҳукумат аст ва ба бисёре аз дигар корхонаҳо низ аз эътибор соқит дониста шуданд.
Ёдрас мешавем, ки Ҳукумат ҳанӯз аввали соли 2019 бо қабули қарор ба вазорату идораҳои дахлдор супориш дода буд, ки барои коҳиши қарзҳои корхонаҳои бузурги давлатӣ чораҳои муассир роҳандозӣ кунанд. Аз ҳамон замон аз эътибор соқит кардани қарзҳо аз андози корхонаҳои давлатӣ таҷрибаи маъмулӣ шуд.
Аммо коршиносон инро бар зарари иқтисоди кишвар медонанд ва таъкид мекунанд, ки пешниҳоди интихобии имтиёз паёмадҳои манфӣ хоҳад дошт.
Чаро дар Тоҷикистон сим-кортҳои кӯдакона нест?
Ҳудуди 100 сарбозу афсари Тоҷикистон дар гузашти низомии Ҷашни Ғалаба дар Маскав ширкат мекунанд
Парвандаи гумонбарони асосии ҳамла ба “Крокус” моҳи июн ба додгоҳ фиристода мешавад
“Аудиокитоб” бо Субҳон Ҷалилов. Дардҳои гиреҳхӯрда. Ҳикояи “Дардҳои гиреҳхӯрда” қисми 8
Пешниҳоди як вакили рус. Муҳоҷироне, ки ҳузури худро бо пора қонунӣ кардаанд, ихроҷ кунед
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 30 апрели соли 2025
Муҳлати қонунигардонии будубош дар Русия то сентябр тамдид шуд. Посух ба муҳимтарин саволҳо
Аз $27 ҳазор ҷарима то 10 соли ихроҷ. Кумитаи дин паёмади нақзи тартиби нави ҳаҷҷи имсоларо шарҳ дод
Аз Чилдухтарону Осорхонаи Восеъ то оромгоҳи Ҳазрати Султон. Маконҳои сайёҳиву таърихии минтақаи Кӯлоб, ки ҳатман бояд дид
“Ба ватан баргаштем, аммо ҷуброни зарар мехоҳем”. Чанде аз зоирони дар Арабистони Саудӣ дармонда ба Тоҷикистон баргаштаанд
Кулли ахбор
Авторизуйтесь, пожалуйста