Дар ҳодисаи суқути ҳавопаймои боркаши Ан-26 ширкати South West Aviation дар Судони Ҷанубӣ 2 халабон (лётчик)-и тоҷикистонӣ ҳалок шуданд. Ҳавопаймо рӯзи 22 август баъди чанд дақиқаи парвоз аз пойтахти ин кишвар - шаҳри Ҷуба ба садама дучор шудааст.
Тавре ба “Азия-Плюс” аз Раёсати иттилооти Вазорати корҳои хориҷии ҷумҳурӣ хабар доданд, ҳангоми садама ду халабони тоҷик - Қодиров Парвиз ва Мираҳмедов Мирсултон ба ҳалокат расидаанд.
“Тибқи маълумоти доштаи мо, Парвиз Қодиров як ҳафта пеш барои кор ба Судон рафтааст. Ӯ халабони дуюм буд. Бародари ӯ Хуршед бо дархости интиқоли ҷасади Парвиз ба ватан ба мо муроҷиат кард”, - гуфтанд дар Вазорат.
Дар Вазорат зикр карданд, ки халабони дигари ҳалокшуда Мирсултон Мираҳмедов шаҳрванди Русия мебошад.
Вазорати корҳои хориҷии Тоҷикистон аз дигар ҷузъиёти ин ҳодиса маълумот дар даст надорад.
EADaily хабар медиҳад, ки бино ба маълумоти намояндаи фурудгоҳ, ҳавопаймо аз Ҷуба ба шаҳрҳои Вау ва Авейл раҳсипор будааст.
Хабаргузории Синхуа дар ин робита иттилоъ дод, ки бар асари суқути ҳавопаймо 17 нафар ҳалок шудаанд, ки 2 нафарашон аъзои экипаж мебошанд.
Бино ба маълумоти хабаргузории мустақили “Ахбор”, шоҳидони ҳодиса гуфтаанд, ки як нафар зинда монда, ӯро ба бемористон интиқол додаанд.
Гуфта мешавад, ҳавопаймо борҳои мухталиф, аз ҷумла мотосиклҳо, қисмҳои эҳтиётӣ, маводи хӯрока ва ҳамчунин маблағи бузург барои пардохти маоши коргарони як корхонаи бузургро мебурд. Дар видеоҳо дида мешавад, ки сокинони маҳаллаҳои атроф пулҳои аз ҳавопаймо пошидаро мечинанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста