Вазорати корҳои дохилӣ аз боздошти ҷавоне хабар медиҳад, ки як марди 33-соларо барои ба модараш додани пешниҳоди муносиботи ошиқона корд задааст.
Бино ба иттилои дафтари матбуоти ВКД, ин ҷавон сокини ҷамоати деҳоти Деҳмойи ноҳияи Ҷаббор Расулови вилояти Суғд будааст, ки шаби 10-уми январ, тахминан соати 00.30 дар деҳаи Гулистон бо марде, ки гуфта мешавад, ба модараш занг задаву пешниҳоди муносибатҳои ошиқона додааст, ҷанҷол карда, ду бор ба шикамаш бо корд халидааст.
Ҷабрдида бо ҷароҳатҳои вазнин дар беморхона бистарӣ шудаасту нисбати ҷавон бо моддаи 110 қисми 1-и Кодекси ҷиноятии Ҷумҳурии Тоҷикистон парванда боз шудааст.
Ҳамчунин ВКД аз боздошти марди 27-солае хабар медиҳад, ки шаби 10-уми январ бар пояи хусумати шахсӣ мехостааст холааш ва шавҳари холаашро, ки сокинони ҷамоати Чоргултепаи ноҳияи Рӯдакӣ будаанд, бикушад ва бо табар як бор бар сари холааш ва як бори дигар ба сари шавҳари холааш задааст. Гуфта мешавад, ки ҷабрдидаҳо дар беморхона бистарӣ шудаанд ва пулис қазияро тафтиш мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Боздошти ду мансабдор бо иттиҳоми порагирӣ ва заминфурӯшӣ
Муҳоҷирон бо як патент метавонанд дар якчанд минтақаи Русия кор кунанд
Аз Юлдуз Усмонова то Фурқати Саид. Тақдими унвони Ҳофиз ва Ҳунарпешаи халқии Тоҷикистону Ӯзбекистон ба 10 санъаткори ду кишвар
Аъзои нави тими Рустами Эмомалӣ. Киҳо дар шаҳрдории Душанбе аз вазифа озод шуданд ё мансаби нав гирифтанд?
Эмомалӣ Раҳмон бо Шавкат Мирзиёев Аҳднома дар бораи муносибатҳои ҳампаймонӣ имзо карданд
Корҳои таъмиру навсозии қитъаи душворгузари роҳи Душанбе - Хоруғ тезонида мешаванд
Боз як ҳолати фавт дар таваллудхонаи вилоятии Суғд
Кулли ахбор
Авторизуйтесь, пожалуйста