Исмат Абдуллоев мураббӣ ва паҳлавони маъруфи тоҷик, бунёдгузори куштии самбо дар Тоҷикистон, имрӯз бар асари беморие, ки дошт дар синни 77-солагӣ, дар Душанбе даргузашт.
Бино ба иттилои наздикону пайвандонаш, ҷанозаи марҳум имрӯз, соати 18:00, дар масҷиди маҳаллаи Панҷрӯди Душанбе баргузор шуда, ҷасади ӯ дар қабристони маҳаллаи Қаротегини Душанбе ба хок супурда мешавад.
Исмат Абдуллоев дар варзиши тоҷик корнамоиҳои зиёде кардааст. Аз ҷумла ӯ, дар ҳайати дастаи мунтахаби самбои Тоҷикистон соли 1971 дар Спартакиадаи халқҳои СССР дар рақобатҳо дар вазни 66 килограмм бомуваффақият ҳунарнамоӣ карда, ба панҷгонаи беҳтаринҳо дохил шудааст. Вай соли 2004 дар мусобиқаи қаҳрамонии самбои ҷаҳон байни устодон, ки дар шаҳри Турсунзода доир шуда буд, дар вазни 82 килограмм ба унвони қаҳрамонӣ даст ёфта, бо медали тилло сарфароз гаштааст.
Нақши Исмат Абдуллоев ба унвони мураббӣ дар куштии тоҷик хеле бузург аст. Аз ҷумла ҷаҳонпаҳлавон Сайидмуъмин Раҳимов шогирдӣ ӯ буд. Абдуллоев солиёни зиён сармурабби тимҳои мунтахаби ҷудо ва самбои Тоҷикистон буд.
Аз мактаби варзишии ин шахсияти варзишӣ паҳлавонони зиёде берун омадаанд, ки дар сабқатҳои ҷаҳони шарафи Тоҷикистонро ҳимоя кардаанд.
Хидматҳои Исмат Абдуллоев бо унвони “Устоди варзиши СССР” (соли 1966), унвони ифтихории “Мураббии шоистаи ҶШС Тоҷикистон” (1973) ва бисёр ҷоизаҳову ифтихорномаҳо қадрдонӣ шудааст. Вай соли 1975 ба қатори даҳ мураббии беҳтарини Иттиҳоди Шӯравӣ дар риштаи самбо дохил шуда, ҳамчунин беҳтарин мураббии Тоҷикистон дар асри ХХ эътироф гаштааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боздошти 15 нафар барои ҳамлаҳои террористии монанд ба “Крокус” дар Душанбе ва Ваҳдат
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
Кулли ахбор
Авторизуйтесь, пожалуйста