Беш аз 60 нафар сокини чанд шаҳру навоҳии вилояти Суғд аз истеъмоли гӯшти пухтаи мурғ (грилл) заҳролуд шудаанд. Дар ин бора монобеъи “Азия-Плюс” аз ниҳоди тандурустии вилояти Суғд хабар дода гуфтаднд, ки заҳролудшудагон ҳама мизоҷони аз як дӯкон фурӯши гӯшти пухтаи мурғ мебошанд.
Ба иттилои манбаъ, ҳафтаи гузашта 62 нафар аз 14 хонавода, бошандагони шаҳрҳои Хуҷанд, Гулистон ва ноҳияи Бобоҷон Ғафуров пас аз хӯрдани ин таом заҳролуд шудаанд.
Ба гуфтаи пизишкон қисме аз ин заҳролудшудаҳо табобат шуда, бархеи дигар дар беморхонаҳо бистарӣ шудаанд
Таҳқиқи ҳодиса нишон додааст, ки онҳо ин мурғро аз дӯконе аз даромадгоҳи бозори “Афғонбозор” дар шаҳри Хуҷанд харидаанд.
“Чанд нафар бо нишонаҳои дарунравӣ, қайкунӣ ва ҳарорати баланд муроҷиат карданд. Ва баъди он тафтиш оғоз шуд”-гуфт, табиби манбаъи мо, ки нахост аз ӯ ном барем.
Ба дари дӯкони фурӯши гӯшти мурғ (грилл) дар даромадгоҳи бозори “Афғонбозор” аз суйи Маркази назорати давлатии санитарию эпидемиологии вилояти Суғд мӯҳр зада шудааст.
Манобеъи “Азия-Плюс” аз гуфтани ҷузъиёти қазия худдорӣ мекунанд ва маълум нест, ки ин дӯкон ба кадоми соҳибкор таааллуқ дорад.
Масъулини Маркази беҳдоштии вилояти Суғд низ ҷузъиёти ҳодисаро шарҳ намедиҳанд ва танҳо гуфтанд, ҳуҷҷати фаъолияти соҳибкорро то анҷоми таҳқиқи ҳодиса бозхонд карда, фаъолияташро манъ кардаанд. Вай афзуд, мақомоти додситони шаҳри Хуҷанд таҳқиқи ҳодисаро пеш мебарад ва ҷузъиётро танҳо ин ниҳод шарҳ медиҳад.
Ҳарчанд мақомот аз шарҳи ҷузъиёти ҳодиса худдорӣ мекунад як пизишк аз беморхонаи ҷамоати Унҷии ноҳияи Бобоҷон Ғафуров гуфт, чанде аз заҳролудшудагонро дар ин беморхона бистарӣ карданд.
“Саломатияшон начандон вазнин буд шифо ёфтанд. Онҳо бо ташхиси илтиҳоби шадиди рӯъдаю меъда бистарӣ шуда табобат гирифтанд ва ҷойи нигаронӣ надорад",- гуфт ин пизишк.
Дар ҳамин ҳол манобеъи “Азия-Плюс” мегӯянд, қисме аз заҳролудшудагон дар хона табобат шуда ва қисме, ки саломатияшон вазнинтар буд дар беморхона бистарӣ шуданд, ки байнашон кӯдакон низ ҳастанд.
Ба иттилои манобеъи наздик ба таҳқиқи қазия дар пайи заҳролудшавии даҳҳо нафар сокинон охири ҳафтаи гузашта мақомоти беҳдоштӣ ва ниҳодҳои дигари санҷишгар дӯконҳои фурӯши гӯшти мурғ дар бозори “Панҷшанбе” ва “Афғонбозор”-ро санҷидаанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
Кулли ахбор
Авторизуйтесь, пожалуйста