Идораи сӯхторнишонии ноҳияи Мастчоҳ бо гузашти беш аз ду ҳафта аз сӯхтори корхонаи пахтаи “Музаффар Ко” расман эълом кард, ки онро қасдан оташ задаанд. Мақомоти милитсияи Мастчоҳ аз руйи моддаи 255 ба тафтиши ҳодиса шурӯъ кардааст.
Дар ин бора Неъматҷон Идизода, сардори идораи сухторнишрнии ноҳияи Мастчоҳ дар суҳбат ба “Азия-Плюс” хабар дод. Ӯ гуфт, оташсӯзии саҳари 25-уми ноябр дар умум ба корхонаи пахта 46 миллион сомонӣ зарар расонидааст.
“Сӯхтор 450 метри мураббаъ корхонаи пахтаи “Музаффар Ко”-ро фаро гирифт. Зарари расидаи аз сӯхтор 42 миллио аз нахи пахта ва 4 миллион сомонӣ аз молу амволи дигар ҳисоб шуд ва мавод барои таҳқиқ ба ШВКД дар ноҳияи Мастчоҳ ирсол шуд”,-гуфт, Неъматҷон Идизода
Дар натиҷаи сӯхтор 1100 тонна нахи пахтаи тайёр дар коми оташ монда, сӯхторнишонон тавонистаанд танҳо 400 тоннаи онро аз коми оташ наҷот диҳанд. Идизода афзуд, феълан мақомоти милитсияи ноҳияи Мастчоҳ ба таҳқиқи қазияи оташсӯзии корхонаи пахта шурӯъ кардааст ва гунаҳкорони ин ҳодисаро ин ниҳод мушаххас мекунад.
Ҳарчанд мақомоти ноҳияи Мастчоҳ ба таври расмӣ намегӯянд, ки чӣ касе дар ин ҳодиса гумонбар дониста мешавад, аммо як манбаъ аз мақомоти қудратии ин ноҳия мегӯяд, ки ҳанӯз баъди чанд рӯзи ҳодиса соҳиби ин корхона ба ҳукумат муроҷиат кардааст, ки барояш сабукиҳо биҳанд.
Корхонаи пахтаи “Музаффар Ко” яке аз азимтарин корхонаҳои коркарди пахтаи ноҳияи Мастчоҳ ва вилояти Суғд ҳисоб меёбад, ки ба соҳибкор Салим Мирзоев тааллуқ дорад. Ин соҳибкор дар ҷараёни таҳқиқи ҳодиса борҳо аз суҳбат бо рӯзноманигорон худдорӣ кард.
Раёсати оташнишонии вилояти Суғд низ то анҷоми таҳқиқи ҳодиса, то кунун расман ҷузъиёти ин ҳодисаро шарҳ надодааст.
Қаблан манобеи “Азия-Плюс” аз ҳукумати ноҳияи Мастчоҳ гуфта буданд, ки соҳиби ин корхона дар номае аз мақомот хостааст, ки дар пардохти маблағҳои андоз ба ӯ сабукӣ дода шавад. Гуфта мешавад дар корхонаи пахтаи “Музаффар Ко” 288 хоҷагии деҳқонии ин ноҳия пахта доштанд.
Барқасдона оташ задани ин корхонаи пахта дар ҳолест, ки 21-уми октябри имсол бозори масолеҳи сохтмонии “Баракат” дар вилояти Суғд низ айнан бо ҳамин ҷурм оташ зада шуд. Аммо то ҳол мақомот дар мавриди оғози парвандаи ҷиноӣ ё боздошти гумонбарони ин ҳодиса чизе нагуфтаанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
“Эҳтимоли хуруҷи беморӣ зиёд аст”. Кумитаи рушди сайёҳӣ аз ширкатҳои сайёҳӣ хост, ҷаҳонгардонро ба Саратоғ набаранд
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Кулли ахбор
Авторизуйтесь, пожалуйста