Шабонарӯзи гузашта дар Тоҷикистон 18 ҳодисаи фаромадани тарма ба қайд гирифта шуд.
Тавре ки маркази матбуоти Кумитаи ҳолатҳои фавқулодаи ҷумҳурӣ хабар медиҳад, дар минтақаҳои кӯҳистони кишвар хатари фаромадани тармаву сел ва сангреза боқӣ мемонад.
Ба ин тариқ, рӯзи 9 март дар роҳҳои мошингарди Душанбе – Варзоб (километрҳои 57, 58, 67,68 ва 71-ум), Душанбе - Хоруғ (километрҳои 478 ва 497-ум), Хоруғ-Ишкошим (километри 29-ум) ва Душанбе – Хоруғ – Мурғоб (километри 558-ум) 18 ҳодисаи фаромадани тарма ба қайд гирифта шудааст.
Барои тоза кардани роҳҳо аз ҷониби хадамоти нигаҳдории роҳҳои Вазорати нақлиёт, ширкати «Инновейтив Роуд Солюшнз» (IRS) ва имдодгарони КҲФ навбатдории шабонарӯзӣ роҳандозӣ шуда, дар мавриди бартараф намудани офатҳои офати табиӣ тадбирҳо андешида мешаванд.
Бар асари офати табиӣ ҳаракати воситаҳои нақлиёт дар роҳҳои мошингарди Душанбе - Хуҷанд ва Хоруғ - Ишкошим муваққатан манъ аст.
Ҳамчунин боришоти зиёд дар километри 237-уми роҳи мошингарди Дарвоз - Ш.Шоҳин - Кӯлоб, ки тариқи қаламрави деҳаи Анҷирободи ноҳияи Шамсиддин Шоҳини вилояти Хатлон мегузарад, ба фаромадани сангреза боис шудааст. Бо талошҳои кормандони Вазорати нақлиёт оқибатҳои офат сарвиақт бартараф карда шуда, роҳ боз аст.
Ёдрас мекунем, ки то охири ҳафта дар қаламрави ҷумҳурӣ хатари фаромадани селу тарма ва сангреза, инчунин болоравии сатҳи об дар дарёву обанборҳо боқӣ мемонад.
Дар ин робита Кумитаи ҳолатҳои фавқулодаи ҷумҳурӣ, аз аҳолӣ даъват менамояд, ки то ҳадди имкон аз сафар, сайругашт дар минтақаҳои хатарнок, ҷамъоварии ҳезум, гиёҳҳои шифобахш ва занбӯруғ, моҳидорӣ, шикор ва чаронидани чорво худдорӣ намоянд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Кулли ахбор
Авторизуйтесь, пожалуйста