Ҳавопаймои ширкати “Уралские авиалинии” шаби гузашта ҳангоми парвоз дар хатсайри Масква-Кӯлоб аз нимароҳ ба кафо баргаштааст. Расонаҳои русӣ мегӯянд, Тоҷикистон ба ин ҳавопаймо иҷоза надодааст, ки дар фурудгоҳи Кӯлоб нишинад. Агентии ҳавонавардии Тоҷикистон дар ин бора чизе нагуфтааст.
Расонаҳои русӣ ба истинод ба маълумоти хадамоти Flightradar24 навиштанд, ки ҳавопаймои ширкати “Уралские авиалинии”, ки аз самти Масква ба фурудгоҳи шаҳри Кӯлоб парвоз мекард аз фазои вилояти Пенза ба қафо баргардонда шуд. Дафтари матбуоти ширкати ҳавопаймоии "Уралские авиалинии" низ вазъиятро шарҳ надодааст.
Хабаргузории русии “Уральский-рабочий” мегӯяд, парвоз дар хатсайри U6-8969 мебоист шаби 18-уми май аз фурудгоҳи “Домодедово”-и шаҳри Маскав ба фурудгоҳи шаҳри Кӯлоб анҷом меёфт. Манбаъ гуфтааст, аммо Тоҷикистон иҷозаи қабулро надодааст.
Аммо ба навиштаи Telegram-канали “Авиаторшина”, ҳавопаймои ширкати “Уралские авиалинии” “пас аз тақрибан як соати парвоз, вақте ки ҳавопаймо дар осмони вилояти Пенза парвоз мекард, ба қафо баргардонида шуда тақрибан соати яки шаб дар фурудгоҳи Домодедово фуруд омад. Сабаб дар он аст, ки ҳавопаймо иҷозаи вуруд шудан ба Тоҷикистонро надошт”.
Дар мавриди шумори мусофирон ва тақдири онҳо чизе гуфта нашудааст.
Ин дар ҳолест, ки гуфта мешавад, рӯзи 18-уми май парвози ҳавопаймоҳои дигари ширкати “Уралские авиалинии” аз шаҳрҳои Екатеринбург ва Маскав ба Кӯлоб ва бозгашт ба таври маъмулӣ сурат гирифта буд.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста