Хуҷанд. 24-уми октябр. ОИ «Азия-Плюс» - Дар вилояти Суғд барои порадиҳӣ ба корманди агентии зиддифасод раиси яке аз хоҷагиҳои деҳқонии ноҳияи Ҷаббор Расулов маҳкум гардид.

Тавре муовини аввали сардори Раёсати Агентии назорати давлатии молиявӣ ва мубориза бо коррупсияи вилояти Суғд Иззатулло САтторов ба ОИ «Азия-Плюс» хабар дод, собиқ раиси хоҷагии деҳқонии «Ленинград»-и ноҳияи Ҷаббор Расулов Рустам Тӯйчиев барои раҳоӣ аз ҷавобгарии ҷиноятӣ ва рӯйпӯш сохтани далелҳои азхудкунӣ ва хароҷоти маблағҳои давлат кӯшиш кардааст, ба корманди агентӣ ба маблағи 5 ҳазор доллари амрикоӣ пора диҳад ва ҳангоми додани пора датсгир шудааст.

Р.Тӯйчиев тибқи қарори додгоҳ, ба муддати 3 солу 3 моҳ бо адои ҷазо дар маҳбаси тартиботи умумӣ равонаи зиндон гардид.