Душанбе. 27-уми октябр. ОИ «Азия-Плюс» - Сархазинадори Бонки миллии То ҷ икистон - Мустафо Асроров дар азонихудкунии зиёда аз 1 миллиону 600 ҳазор сомон ӣ , муодил ба беш аз 470 ҳазор доллари амрико ӣ гумонбар дониста мешавад.

Ба иттилоъи раиси Оҷонсии назорати давлатии молиявӣ ва мубориза бо коррупсияи кишвар - Шерхон Салимзода, 4-ум ва 8-уми июли соли равон Асроров аз кассаҳои Идораи хадамоти гумрук оид ба шаҳри Душанбе, нахуст беш аз 927 ҳазор сомонӣ ва сониян боз 723 ҳазор сомонӣ гирифта, бо роҳи қалбакисозии аснод, ғайриқонунӣ ин миқдор пулро моли худ кардааст.

Нисбати фарди гумонбар, мутобиқи моддаи 245, қисми 2-и Кодекси ҷиноятии ҷумҳурӣ -   (азонихудкунӣ ва исрофкорӣ) ва 323 - (сохтакории хизматӣ), парвандаи ҷиноӣ боз гардида, тафтишот идома дорад. Салимзода ҳамчунин гуфт, ки феълан доираи ашхоси дигаре, ки ба ин ҷиноят даст доранд, муайян карда мешавад.