Қӯрғонтеппа. 15-уми январ. ОИ «Азия-Плюс» - Додгоҳи вилояти Хатлон ду нафар шаҳрванди Афғонистонро ба 24 соли зиндон маҳкум кард.

            Тавре додситони назорати иҷрои қарори додгоҳи додситонии вилоят Исматулло Расулов ба ОИ «Азия-Плюс» хабар дод, шаҳрвандони кишвари ҳамсоя – Султонмаҳмуд валади Гулохон ва Рафиқ валади Шервалӣ дар таърихи 17-уми сентябри соли ҷорӣ аз ҷониби кормандони Кумитаи давлатии амнияти миллӣ дар посгоҳи марзии Панҷ бо 14,8 кило ҳашиш боздошт шуда буданд

            Ба иттилои манбаъ, дар мурофиаи додгоҳӣ боздоштшудагон ба гуноҳи худ иқрор шудаанд ва ҳайати мушовараи додгоҳии вилояти Хатлон оид ба парвандаҳои ҷиноӣ онҳоро ба муддати 24 сол равонаи маҳбас кард.