Оҷонсии назорати маводи нашъовар аз раҳ ёфтани хариду фурӯши маводи мухаддир ба интернет нигаронии шадид мекунад. Мудири Оҷонсӣ Ҳабибулло Воҳидзода мегӯяд, ки ин яке аз роҳҳои нави гардиши ғайриқонунӣ ё хариду фурӯши маводи нашъовар аст, ки моро нигарон кардааст.
"Дар соли 2020 дар Тоҷикистон ҳамаги як ҳолати хариду фурӯши маводи нашъовар тавассути интернет ошкор шудааст, аммо ин мавзъу яке аз масъалаҳои ташвишовар мебошад. Дар кишварҳои ҳамсояи мо ин зиёд аст ва чун тиҷорати электронӣ рӯз то рӯз рушд карда истодааст, эҳтимол дорад ин бахш ҳам зиёд шавад. Барои ҳамин мо омодагии худро барои пешгирии ин корҳо дида истодаем", - гуфт дар нишасти хабарӣ Воҳидзода.
Ҳабибулло Воҳидзода гуфт, ки онҳоро зиёд шуднаи маводи равонгардони маснуъӣ (психотропии синтетекӣ) нигарон кардааст. Ҳарчанд дар соли 2020 мусодираи маводи нашъовар аз рӯйи миқдор кам шуда бошад ҳам, лек мусодираи моддаҳои психотропии синтетикӣ, ки ба инсон зиёни бештар дорад, 15 кг-ро ташкил дод, ки нисбат ба соли 2019 9 кг ё 2,5 маротиба зиёд аст, гуфт мудири оҷонсӣ.
Пештар сару садоҳое расонаӣ шуда буд, ки гуруҳҳои махсусе ҳастанд, ки маводи равонгардони маснуъиро ба Тоҷикистон ворид мекунанд. Аммо Воҳидзода дар нишасти хабарӣ аз вуҷуди ин гуна гуруҳо дар Тоҷикистон гуфт, аммо аз гуруҳҳои мушаххасе ном набурд ва ному насбаи касонеро ҳам, ки ба ин кор сару кор мегиранд расонаӣ накард.
"Ин мавод ҳама аз хориҷи кишвар ворид карда мешавад. Зеро ин моддаҳо дар Тоҷикистон коркарду истеҳсол намешаванд. Дар Тоҷикистон озмоишгоҳи истеҳсоли ин гуна мавод вуҷуд надорад. Мо гуруҳҳову нафаронеро, ки ба ин чиз сару кор доштан дастгир кардаем ва ҳамчунин дар сам боз кор карда истодаем".
Ба гуфтаи ин ниҳод дар Тоҷикистон шумораи нашъамандоне, ки расман сабти ном шудаанд коҳиш ёфтааст. Ҳамагӣ 5099 нафар номнавис шудааст, ки 276 нафар камтар аз соли 2019 будааст. Бино ба ҳисоби ин ниҳод бар сари ҳар 100 ҳазор аҳолӣ 55 нашъаманд рост меомадаст, ки дар қиёс бо кишварҳои дигар нишондиҳандаи хеле паст будааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Паёмади бозгашти муҳоҷирони корӣ аз Русия ба Тоҷикистон чӣ хоҳад буд?
Дар Душанбе як навраси 13-сола аз ошёнаи 16-ум худро ба зер партофтааст
Дар Суғд аз қочоқи дорувории тиббӣ аз Қирғизистон пешгирӣ шуд
Ҳодисаҳои селфароӣ ва сангреза дар шимол ва ҷануби Тоҷикистон
Рухсатии Сулаймон аз беморхона пас аз сӯзандоруи нархаш беш аз 1 млн доллар
Қарзи андоз 74,6 млн сомонӣ зиёд шудааст. Кадом корхонаҳо аз андоз бештар қарздоранд?
Нақшаи даъвати ҳарбӣ дар 20 рӯз 62% иҷро шудааст. Шикоят аз шеваҳои нави даъват ҳанӯз ҳам ҳаст
“Масъалаи муҳим ва асосӣ”. Тоҷикистон Бонки ҷаҳониро ба маблағгузории “НБО Роғун” даъват кард
Ифтитоҳи парвандаи ҷиноятӣ бар зидди як вакили дифоъ бо иттиҳоми қаллобӣ
Мунтахаби футзали Тоҷикистон ба даври 1/4 финалии Ҷоми Осиё-2024 роҳ ёфт
Кулли ахбор
Авторизуйтесь, пожалуйста