Вазорати корҳои дохилии Тоҷикистон аз боздошти ду ҷавоне дар ноҳияи Ашт хабар додааст, ки ба гуфтаи ин ниҳод онҳо як зани 31-солаи сокини ин ноҳияро таҳдид кардаанд, ки барояшон 4 ҳазор сомонӣ бидиҳад, вагарна видеои лаҳзаи шабона ба як мошин савор шуданашро нашр мекунанд. 

Бино ба иттилои дафтари матбуоти ВКД "ба ШВКД дар ноҳияи Ашт бо ариза зани 31-солаи сокини ҷамоати деҳоти Понғози ноҳияи мазкур муроҷиат намудааст, ки аз моҳи январи соли 2021 то инҷониб “Довар” ва “Равшед” ном шахсон, бо таҳдиди он, ки гӯё охирон дар нисфи шаб ба автомашинаи “Одил” ном шахс савор шуданашро ба навор гирифтаанд, аз ӯ 4 ҳазор сомонӣ талаб кардаанд".

ВКД мегӯяд, ки ин ду ҷавони сокини ҳамин ҷамоатро 24-уми апрел ҳангоми гирифтани 4 ҳазор сомонӣ дастгир кардаааст.

Ҳоло ин ниҳод алайҳи ин ду ҷавон бар асоси қисми 2-и моддаи 250-и  Кодекси ҷиноӣ парванда боз кардааст. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.