Кормандони милитсия аз рӯйи далели муомилоти ғайриқонунӣ бо фулузот (металл)-и қиматбаҳо сокини 32-солаи ноҳияи Кӯҳистони Мастчоҳро боздошт намуданд.

Бино ба иттилои маркази матбуоти ВКД Тоҷикистон, ин мард ҳангоми кӯшиши фурӯхтани тилло ба маблағи 8 ҳазору 100 сомонӣ дар назди бозори “Баракат”-и ноҳияи Бобоҷон Ғафуров боздошт шудааст.

Гуфта мешавад, ташхис нишон додааст, ки вазни фулузоти мусодирашуда 19,80 грамм ва арзиши умумии он 11 ҳазору 800 сомониро ташкил медиҳад.

Зикр мегардад, ки оид ба ин ҳодиса бо моддаи 284 қисми 1 Кодекси ҷиноятии ҶТ парвандаи ҷиноятӣ оғоз карда шуда, тафтишот идома дорад. Дар ин моддаи Кодекси ҷиноятӣ ҷазои то 90 ҳазор сомонӣ ҷарима ва маҳрумият аз озодӣ ба мушлати то 3 сол пешбинӣ шудааст.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.