Нимсолаи аввали соли 2021 аз гардиши ғайриқонунӣ дар Тоҷикистон 200 килову 593 грамм (ҳамин давраи соли 2020 - 131 кг 657 гр) маводи нашъаовар, аз ҷумла 3 кг 873 г героин, 32 кг 554 г афюн, 127 кг 439 г ҳашиш, 1 кг 807 г бангдона, 34 кг 920 г маводи сахттаъсири фаъоли рӯҳӣ дар шакли хока ва ҳабҳо (таблеткаҳо)-и синтетикӣ (2434 дона) мусодира шуданд.
Зимни нишасти хабарии имрӯз, 15 июл директори Агентии назорати маводи нашъаовар (АНМН) генерал-майор Ҳабибулло Воҳидзода хабар дод, ки дар зарфи 6 моҳ аз ҷониби Агентӣ 104 (соли 2020 - 80) ҷинояти марбут ба муомилоти ғайриқонунии маводи нашъаовар ошкор шудааст, ки 24 ҷиноят ё худ 30% зиёдтар нисбат ба ҳамин давраи соли гузашта аст.
Ба гуфтаи Воҳидзода, дар ин давра фаъолияти 28 гуруҳи ҷиноятпеша (иборат аз 64 нафар), аз ҷумла фаъолияти 1 гуруҳи муташаккили ҷиноятпеша ошкор ва қатъ карда шудааст.
Ӯ зикр кард, ки инчунин 187 (соли 2020 - 216) далели қонуншиканиҳои маъмурӣ ошкор шуда, 200 нафар ба ҷавобгарии маъмурӣ ҷалб шуданд. Аз онҳо ба фоидаи буҷет 115 ҳазору 472 сомонӣ ҷарима ситонида шудааст.
Зимнан зикр шуд, ки давоми 6 моҳ мақомоти ҳифзи ҳуқуқ ва сохторҳои қудратии кишвар дар маҷмӯъ 1 тоннаву 695,65 кг маводи нашъаоварро аз гардиши ғайриқонунӣ мусолдира намуданд, ки 510,2 кг ё худ 43% зиёдтар нисбат ба ҳамин давраи соли пешин мебошад.
“Аз ҷониби ВКД 819,12 кг (соли 2020 - 543,4 кг), КДАМ - 662,6 кг (2020 - 488,1 кг), Агентии назорати давлатии молиявӣ ва мубориза бо коррупсия - 11,7 кг (2020 - 1,5 кг) ва Хадамоти гумрук - каме бештар аз 1 кг (2020 - 20,6 кг) маводи нашъаовар мусодира шуд”, - илова кард Воҳидзода.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Кулли ахбор
Авторизуйтесь, пожалуйста