Бархе аз мудофиёни байналмиаллии ҳуқуқи инсон аз сарнавишти вакили дифои зиндонии тоҷик Абдулмаҷид Ризоев изҳори нигаронӣ карда, аз мақомоти Тоҷикистон талаб кардаанд, ки билфосила ӯро озод намоянд.
Созмони Ҳамкории байналмилалӣ барои ҳуқуқи инсон бо пахши як гузориши махсус дар мавриди вазъи боздошт ва парвандаи Ризоев навиштааст, ки ӯ аз 11-уми августи имсол имкони дидорбинӣ бо вакили дифоашро надорад ва аз 4-уми сентябри имсол ба ин тараф ба наздиконаш иҷоза нашудааст, ки бо ӯ мулоқот кунанд.
Ин созмон аз он изҳори нигаронӣ кардааст, ки набудани имкони дидорбинии Ризоев бо наздикону ҳомиёнаш, нигарониро дар бораи шиканҷаву бадрафторӣ алайҳи ӯ бештар мекунад.
- Ризоев барои ҳаққи озоди баёни андешааш зиндонӣ шуд ва бояд бидуни шарт ва билофосила озод карда шавад,- гуфтааст ин созмони ҳуқуқи инсон.
Моҳи июни соли равон додгоҳи ноҳияи Шоҳмансури шаҳри Душанбе Абдулмаҷид Ризоевро бо гумони “даъвати пинҳонкорона ба терроризм” гунаҳкор дониста, ӯро 5,5 сол равонаи зиндон кард.
Вакили дифои Ризоев Дилафрӯз Самадова гуфта буд, додситонӣ чанд навиштаи саҳифаи Фейсбукии ӯро таҳлил карда, Ризоевро дар “даъватҳои пардапӯшонаи оммавӣ ҷиҳати ба амал ба баровардани фаъолияти ифротгароӣ, ки ба ноустувор сохтани амнияти миллӣ мерасонад", айбдор кардааст. Аз ҷумла, бознашри андешаи “Ҳукумати оқил бо решаҳои эътироз мубориза мекунад, ҳукумати нодон бо эътирозгарон”-ро прокуратура андешаи ифротгароёна хондааст.
Худи Абдулмаҷид Ризоев, ки дар созмони ҷамъиятии “Дурахшон гуруҳ” созмоне, ки ба корафтодагон машварати ҳуқуқӣ медод кор мекард, ҳукми нисбаташ эълоншударо рад карда, онро ғаразнок унвон кардааст.
Ба қавли Дилафрӯз Самадова, Ризоев дар суд баромад карда гуфтааст, ки “ҳеҷ гоҳ экстримист набуд ва буда ҳам наметавонад, ӯ ҳимоятгар ва ҳуқуқшинос аст.
Баъдтар Самадова барои бозбинии парвандаи Абдумаҷид Ризоев ба додгоҳи шаҳри Душанбе аризаи шикоятӣ супорида буд.
Ба гуфтаи ӯ, ташхисгарон навиштаҳои Ризоевро дар Фейсбук нодуруст шарҳ додаанд ва аз номи худ дар он илова кардаанд, ки хилофи қонун аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
“Билетҳоро бозпас медиҳанд”. Парвози тоҷикон ба Русия кам шудааст
Тими Аврупо сатҳи огоҳии аҳолиро оид ба диабети қанд дар Тоҷикистон баланд мебардорад
Чӣ тавр оид ба кор дар Британияи Кабир маълумоти ройгон пайдо кардан мумкин аст?
“Ба фитнаву бало гирифтор нашавед!”. Муфтии Тоҷикистон аз муҳоҷирон хост, эҳтиёткор бошанд
Боздошти 9 сокини шаҳри Ваҳдат дар пайи ҳамлаи террористӣ ба “Крокус Сити Ҳолл”
Тоҷикистон шумори квотаҳоро ба ҷалби қувваи кории хориҷӣ то 6,5 ҳазор адад кам кард
Дар Кӯшониён аз беназоратии волидон духтарчаи 4-сола ғарқ шуд
“Бародараш дар Сурия аст, худ ба Тоҷикистон омаданӣ буд”. Падари як гумонбари ҳамла ба “Крокус” боз чӣ гуфт?
Ҳалокати 5 нафар дар роҳи Душанбе - Чаноқ. Кӯдак ба таври муъҷизанок зинда монд
“Қарзи инсонии худро иҷро кардем”. Чӣ гуна тоҷикон шаҳрвандони Русияро наҷот медиҳанд?
Кулли ахбор
Авторизуйтесь, пожалуйста