Пас аз сӯхтор дар бозори “Фаровон”-и шаҳри Бохтари вилояти Хатлон мақомоти оташнишонӣ корҳои пешгирикунанда дар бозорҳои шимолии Тоҷикистонро оғоз кардаанд. Корҳои пешгирӣ аз 2-уми июн оғоз шуда ба иттилои Раёсати сӯхторнишонии Суғд ин санҷиш нест ва гурӯҳи кории созмонёфта роҳбарони бозорҳоро бо ҷурми камбудие ҷарима намебанданд, санаде тартиб намедиҳанд ё дари бозорҳоро намебанданд, балки огаҳ мекунанд, ки ҳушёр бошанд.
Қаҳрамон Қодирзода, сардори Шӯъбаи назорати бехатарӣ аз сӯхтори Раёсати оташнишонии Суғд дар суҳбат ба “Азия-Плюс” гуфт, корҳои профилактикиро бо дастури роҳбарии ин ниҳод дар Вазорат роҳандозӣ кардаанд.
Ӯ афзуд, роҳбари гурӯҳи корӣ низ аз ин ниҳодӣ марказӣ ҳастанд ва дар доираи корҳои профилактикӣ 48 бозор ва 63 марказҳои калони тиҷоратии Суғдро месанҷанд ва соҳибкоронро огаҳ мекунанд, ки қоидаҳои сӯхторро риоя кунанд.
“Аз сабаби он ки фармони президенти Тоҷикистон аз 16-уми марти 2022 “Дар бораи эълон намудани маратория ба ҳама намуди фаъолияти соҳибкорӣ” содир шудааст, мо санҷишҳоро қатъ карда будем. Бинобар он ки рӯзҳои охир сӯхторҳои калон дар миқёси ҷумҳурӣ ба қайд гирифта шуд. Роҳбарияти вазорат супориш доданд, ки нақшаи чорабиниҳо тартиб дода корҳои профилактикӣ гузаронида шавад",-гуфт Қодирзода.
Бар асари сӯхтор дар шаби 1 ба 2-юми июн дар бозори "Фаровон"-и шаҳри Бохтари маркази вилояти Хатлон гуфта мешавад наздик 50 дарсади бозор дар коми оташ монда 12 нафар ҷароҳат бардоштанд. Аммо бо гузашти як рӯз аз ин сӯхтор, як соҳибкори 52-сола бо номи Маҳмад Сафаров баъди ҷароҳатҳои бардошта дар беморхона ҷон бохт. Раёсати корҳои дохилии вилояти Хатлон баъдтар хабар дод, ки бино ба маълумоти фаврии гурӯҳи корӣ сабаби сӯхто расиши кӯтоҳи ноқилҳо дар яке аз ошхонаҳои ин бозор будааст.
Ҳоло дар Суғд ба василаи радиову баландгӯякҳои дохили бозор низ ба мардум ва соҳибкорон фаҳмонида истодаанд, ки қоидаҳои зиддисӯхториро риоя кунанд.
Ба иттилои Раёсати оташнишонии Суғд давоми панҷ моҳи имсол дар қаламрави вилоят 130 сӯхтор ба қайд гирифта шуда ба мардум ва корхонаву муассисаҳо 2 млн 600 ҳазор сомонӣ зарар расонидааст. Бар пайи ин сӯхторҳо 28 нафар аз коми оташ наҷод ёфта як нафар ҳалок ва ба маблағи беш аз 63 миллион сомонӣ молу амволи шаҳрвандон аз коми оташ наҷот дода шудаанд.
Дар Telegram, Facebook, Instagram, OK ва ВК бо мо бимонед.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста