Як манбаъ аз Суди вилояти Хатлон ба “Asia-Plus” хабар дод, ки се нафар маҳкумшудаи парвандаи пурсарусадои куштори оилаи Маҳмадовҳо дар ноҳияи Ҷайҳун ба Суди Олӣ шикояти кассатсионӣ бурдаанд.
“Қиёмиддин Насриддинов, Маҳмадғаюр Хайбуллоев ва Адолат Шерматова бо ҳукми суди вилоят розӣ нашуда, аз болои он ба Суди Олӣ шикоят бурдаанд”, - гуфт манбаъ.
Хабари шикояти маҳкумшудаҳоро Саймумин Кабиров, адвокати Маҳмадғаюр Хайбуллоев дар суҳбат бо “Asia-Plus” тасдиқ кард. Ӯ гуфт, ки бо ҳукми Суди вилояти Хатлон нисбати зерҳимояаш розӣ нестанд ва аз болои он ба Суди Олӣ шикояти кассатсионӣ бурдаанд.
“Гуноҳи зерҳимояи ман на дар рафти тафтишоти пешакӣ ва на дар рафти мурофиаи судӣ тасдиқи худро наёфтанд. Суд ҳама дархостҳои моро вобаста ба таъини тафтишоти прокурорӣ рад кард. Ғайр аз ин, баёнотҳои зерҳимояи ман дар парванда ва айбнома фарқкунанда буданд. Аз ин хотир, мо бо ҳукми суд розӣ нашуда, шикоят бурдем”, - гуфт Саймумин Кабиров.
Қаблан, зимни мурофиаи судӣ ҳар се айбдоршаванда аз баёноте, ки дар рафти тафтишоти пешакӣ дода буданд, даст кашида, худро дар куштори оилаи Маҳмадовҳо бегуноҳ дониста буданд. Онҳо даъво доштанд, ки зери фишор ва бар асари шиканҷа баёнот додаанд.
Аммо новобаста ба ин, Суди вилояти Хатлон Қиёмиддин Насриддинов, Маҳмадғаюр Хайбуллоев ва Адолат Шерматовро дар куштори оилаи Маҳмадовҳо гунаҳгор дониста, дуи аввалро ба ҳукми абад ва Адолат Шерматовро ба 29 соли зиндон маҳкум карда буд.
Куштори пурсарусадои падари оила ва се фарзанди ноболиғаш шаби 12 июни соли 2021 рух дод. Аҳлиддин Маҳмадови 39-сола ва се фарзанди 8,13 ва 14-солааш ба таври ваҳшиёна кушта шуданд.
Қаблан Вазорати корҳои дохилаи кишвар видеоеро вобаста ба ин ҷиноят нашр кард. Дар ин навори видеоӣ сокинони ҳамин ноҳия Қиёмиддин Насриддинов ва Маҳмадғайюр Ҳайбуллоев нақл карданд, ки чӣ гуна ин кушторро содир кардаанд.
Баъдан, аз хонаводаи Маҳмадов, ҳамсараш Латофат Азизова ва як писараш, ки зинда монданд, гумонбаронро шинохтанд.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Кулли ахбор
Авторизуйтесь, пожалуйста