Кормандони шуъбаи кофтукови ҷиноятии Раёсати ВКД дар вилояти Суғд аз ҳодисаи куштор, ки модару писар фармоиш додаанд, пешгирӣ намуданд.
Сухангӯи Раёсати ВКД дар вилояти Суғд Акбар Шарифӣ дар барномаи навбатии “Милитсия хабар медиҳад” дар ин робита изҳор намуд, ки модару писараш ба ҳабс гирифта шуда, баёнот медиҳанд.
Бино ба маълумоти мақомоти тафтишот, зани 52-солаи сокини ҷамоати деҳоти Кулқанди шаҳри Исфара Мағфират Қодирова ва писараш Неъматҷон Валиев ба як шахс ба ивази 5 ҳазор доллар куштори додарарӯси Қодирова - Абдусалом Валиев ва ҳамсарӣ ӯ Мунира Мадаминоваро, ки дар як хона бо онҳо зиндагӣ мекарданд, фармоиш медиҳанд.
“Ҳамчунин бо дастони ин шахс бояд зани 35-солаи сокини шаҳри Хуҷанд кушта мешуд, ки Қодирова бо шавҳари ӯ муносибатҳои ошиқона дошт. Шавҳари худи Қодирова дар зиндон адои ҷазо мекунад”, - хабар дод Шарифӣ.
Ба гуфтаи ӯ, куштори хешовандонро модару писар бо сабаби баҳси хона, ки ба бародарон аз волидонашон ба мерос монда буд, фармоиш додаанд.
Ба гуфтаи Абдусалом Валиев, Қодирова талаб мекардааст, ки ӯ ва ҳамсараш аз ин хона рафта, манзилро ба ӯ диҳанд.
“Неъматҷон Валиев ба корти бонкии шахсе, ки барои куштор киро карда буданд, як бор 10 ҳазор сомонӣ ва дафъаи дуюм - 6 ҳазор сомонӣ пул мегузаронад. Тибқи қарордод, пули боқимондаро ин шахс бояд баъиди анҷом додани кушторҳо мегирифт. Ӯ бояд ҷасадҳои кушташудагонро аксбардорӣ намуда, ба фармоишгар нишон медод”, - гуфта мешавад дар гузориш.
Аммо ин шахс ба милитсия меояд. Пас аз ин кормандони милитсия як саҳнаи сохтаи куштори яке аз фармоишшудагон - Абдусалом Валиевро таҳия намуа, онро аксбардорӣ ва ба фармоишгарон мефиристанд.
Дарҳол пас аз ин модару писар боздошт шудаанд. Нисбати онҳо ба гумони суиқасд ба куштори се нафар парвандаи ҷиноятӣ боз шудааст. Дар ин моддаи Кодекси ҷиноятӣ ҷазои маҳруммият аз озодӣ ба муҳлати аз 15 то 25 сол ё ҳукми ҳабси абад пешбинӣ шудааст.
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
Кулли ахбор
Авторизуйтесь, пожалуйста