Шавкат Бобозода, раиси пешини Агентии содирот ва вазири қаблии саноат, ки моҳи сентябри соли гузашта бо гумони тақаллуб дар ҳаҷми махсусан калон боздошт шуда буд, пас аз чор моҳи ҳабс ва барқарор кардани 280 ҳазор доллар, бо пардохти 128 ҳазор сомонӣ ҷарима озод шудааст.
Дар ин хусус имрӯз, 27-уми январ, Радиои Озодӣ бо такя ба манобеи худ иттилоъ дод.
Ин расона навишт, ки ҳукми Додгоҳи ноҳияи Синои Душанбе рӯзи 27-уми январ содир шуд ва як манбаи боварбахши дар ин додгоҳ ба шарти фош нашудани номаш гуфт, Шавкат Бобозода 2000 нишондиҳанда барои ҳисобҳо (128 ҳазор сомонӣ) ҷарима шуд.
"Бобозода зарари расондаро барқарор кард. Аз ин рӯ, додгоҳ нисбат ба ӯ ҷазоро дар намуди ҷарима раво дид. Шавкат Бобозода ба миқдори зиёда аз 280 ҳазор доллар зарарро ба давлат барқарор кард", - навишт ин расона.
Дар хусуси вокуниши Шавкат Бобозода ва наздикони ӯ маълумот дода намешавад.
Ёдовар мешавем, ки Шавкат Бобозода яке аз мансабдорони собиқадори ҳукумат буда, аз соли 2013 то 2019 вазири саноат ва технологияҳои нави Тоҷикистон буд.
Соли 2019 аз ин мансаб озод ва ба симмати директори сохтори навтаъсиси Агентии содироти Тоҷикистон нишаст. Ин ниҳод соли 2018 таъсис шуда, содироти маҳсулотро аз кишвар назорат мекунад.
Пас аз боздошт, 29-уми сентябр Эмомалӣ Раҳмон, Президенти Тоҷикистон бо имзои қарори ҳукумат Шавкат Бобозодаро аз вазифаи директори Агентии содироти назди Ҳукумати Ҷумҳурии Тоҷикистон озод намуда буд.
Муллораҷаб Халифаев ва Наврӯзи Каримзод соҳиби “Ҷоми шаҳрдори Душанбе” шуданд
Убайдулло Раҷабов: Эҷодкор бе озодӣ мемирад
Додситони кулли Тоҷикистон: соли 2022-ум 97 нафар ба Тоҷикистон истирдод шуданд
Давоми 2 моҳ хӯрокворӣ дар Тоҷикистон 1,3% қимат шуд
Фестивали бозиҳои миллии Душанбе чӣ гуна мегузарад?
Машқгоҳи ҳарбии нав дар Бадахшон дар заминҳои хоҷагии “Помир” сохта мешавад
“Бим ва эҳсоси хатар”. Зиндагии сокинони деҳаи Сомониёни Исфара пас аз шаш моҳи низои марзӣ
КҲФ аз эҳтимоли селфароӣ ва болоравии сатҳи оби дарёҳо огоҳ мекунад
Дар Тоҷикистон заминларза ба қайд гирифта шуд
Кумитаи дифоъ аз рӯзноманигорон аз мақомоти Тоҷикистон хост, Хуршед Фозиловро раҳо кунанд
Кулли ахбор
Авторизуйтесь, пожалуйста