Баҳодур Ҷӯрахон, иҷрокунандаи вазифаи прокурори минтақаи Кӯлоб рӯзи 1-уми феврал, зимни нишасти матбуотӣ гуфт, дар робита ба қазияи марги Абдуқаҳҳор Розиқов, як сокини шаҳри Кӯлоб, ки боиси эътирози даҳҳо нафар дар назди ҳукумати шаҳр гардид, як нафар милиса боздошту, ду милисаи дигар бо шарти берун нарафтан аз маҳалли зист, озод шудаанд.
“Абдуқаҳҳор Розиқов дар утоқи кории корманди оперативӣ Шарипов Шамшод фавтидааст, аз ин лиҳоз ин корманди милиса дар боздошт қарор дорад. Нисбати ду нафари дигар тафтишот идома дорад”, - гуфт Баҳодур Ҷӯрахон.
Бояд гуфт, ки 3-юми январ даҳҳо сокини Кӯлоб дар назди сардхона эътироз карда, хостори муайян кардани сабаби марги Абдуқаҳҳор Розиқов ва ба ҷавобгарӣ кашидани гунаҳкорони ин корро карданд. Он замон мақомот аввал аз боздошти се милиса хабар доданд ва баъдан гуфтанд, ки ду нафари онҳо бо шарти тарк накардани маҳалли зист раҳо шудаанд.
Баҳодур Ҷӯрахон мегӯяд, ки ҳоло онҳо натиҷаи ташхисро интизоранд ва интизор меравад, ки рӯзҳои наздик натиҷаи ташхис барояд.
Дар ин баробар, иҷрокунандаи вазифаи прокурори минтақаи Кӯлоб аз рафтори эътирозгарон низ норозигии худро баён кард.
“Мо бо пайвандони марҳум бо дарки ҳолати рӯҳии онҳо муносибат кардем. Рафтори онҳо низ нодуруст буд, ки тирезаҳои бинои МОРГ-ро шикастанд, аммо мо эҳсосоти онлаҳзаинаи онҳоро дарк карда, бархӯрд намудем. Ҳамин буд, ки ҳоло наздикони марҳум бо мо ҳамкорӣ доранд ва ҳолати воқеии кор тафтиш мешавад”, - гуфт Баҳодур Ҷӯрахон.
Нуктаи дигаре, ки ӯ таваҷҷӯҳ намуд, ин таъсири “нерӯҳои манфиатдор” ба ҳодисаи марги Абдуқаҳҳор Розиқов ва эътирози наздиконаш буд.
“Эҳсос мекунем, ки баъзе қувваҳое, ки бар зиди давлат ҳастанд, бар зидди халқу миллат ҳастанд, қазияи Кӯлобро моҳирона ба манфиати худ истифода бурда истодаанд”, - гуфт Баҳодур Ҷӯрахон.
Ёдовар мешавем, ки рӯзи 3-юми январ наздикони Абдуқаҳҳор Розиқов дар назди сардхона эътироз карда, хостанд сабаби марги ӯ мушаххас шавад ва гунаҳкорон ҷазо гиранд.
Абдуқаҳҳор Розиқов ба иттиҳоми даст доштан дар фурӯши маводи мухаддир шаби 2-юми январ дар Кӯлоб боздошт шуд ва дар шароити мармуз даргузашт.
Наздиконаш мегӯянд, ӯ зери шиканҷа ҷон додааст. Вазорати корҳои дохилӣ дар эъломияе гуфт, ӯ бар асари истеъмоли зиёди амфетамин даргузашт. Додситонии минтақаи Кӯлоб мегӯяд, ҳанӯз тафтиш сабаби марги ӯро маълум накардааст.
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Иброҳим Раисӣ гуфт, агар Исроил дубора ба Эрон ҳамла кунад, ин кишварро ба хок яксон мекунад
Оғози “Ҳафтаи соҳибкории иҷтимоӣ” дар Тоҷикистон
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Кулли ахбор
Авторизуйтесь, пожалуйста