Душанбе. 30-юми май. «Азия-Плюс» – | Вакили Парлумони Аврупо Струан Стивенсон, ки ҷонибдор ва муҳофизи фаъоли амалисозии тарҳи нерӯгоҳи барқии «Роғун» дар Аврупо аст, бо сафари дурӯза ба Тоҷикистон ташриф овард.
Чӣ тавре ки ба ОИ «Азия-Плюс» сардори департаменти иттилооти Вазорати корҳои хориҷии ҷумҳурӣ Давлат Назриев хабар дод, дар ҷараёни сафари Стивенсон мулоқоту гуфтушунидҳои ӯ бо президенти Тоҷикистон Эмомалӣ Раҳмон, раиси палатаи поёнии парлумони ҷумҳурӣ Шукурҷон Зуҳуров, вакилони узви Комиссии экологии парлумон ва ҳамчунин намояндагони ҷомеаи шаҳрвандӣ дар назар аст. «Баррасии масоили боздиди қарибулвуқӯъи президенти Тоҷикистон Эмомалӣ Раҳмон аз шаҳри Страсбург ва мулоқоти гуфтушунидҳои ӯ бо намояндагони парлумони Аврупо аз ҳадафхои аслии сафари Стивенсон ба Тоҷикистон маҳсуб меёбанд», - гуфт ӯ.
Қобили зикр аст, ки соли гузашта Струан Стивенсон аз роҳбарони кишварҳои Аврупо даъват ба амал овард, ки аз сохтмони нерӯгоҳи «Роғун» дар Тоҷикистон пуштибонӣ намоянд, зеро он ба рушди иқтисоди минтақа мусоидат хоҳад кард.
Ба эътиқоди вакили Парлумони Аврупо, мухолифати Ӯзбекистон бобати идомаи сохтмони нерӯгоҳи «Роғун» ҳеҷ як заминаи воқеъӣ надошта, комилан аз ҷанбаҳои сиёсӣ бархӯрдоранд.
Струан Стивенсон ба ҳайси раиси гурӯҳи байнипарлумонии Иттиҳоди Аврупо оид ба масоили тағйирёбии иқлим, гуногуншаклии биологӣ ва рушди устувор фаъолият мекунад.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста