Душанбе. 3-юми июн. «Азия-Плюс» — | Президенти Ҷумҳурии Тоҷикистон Эмомалӣ Раҳмон ҳайати Гурўҳи таҳияи чораҳои молиявии мубориза бо қонунигардонии маблағ аз Гурўҳи Авруосиё оид ба мубориза бо қонунигардонии даромадҳои ғайриқонунӣ ва маблағгузории терроризмро, ки таҳти роҳбарии Ёвари иҷроияи Котиботи Дафтари гурўҳи мазкур, Муовини вазири молияи Иёлоти Муттаҳидаи Амрико Даниел Гласер ба Душанбе ташриф овардаанд, ба ҳузур пазируфт.
Тавре аз хадамоти матбуоти сарвари давлат иттилоъ доданд, дар мулоқот масоили ҳамкории Тоҷкистон бо ин созмони бонуфузи байналмилалӣ доир ба мубориза бо ҷиноятҳои иқтисодӣ ва хусусан бо ҷиноятҳои коррупсионӣ баррасӣ гардид.
«Таҳкими қонунияту тартиботи ҳуқуқӣ, таъмини волоияти қонун ва пурзўр намудани мубориза бо ҷинояткорӣ аз самтҳои афзалиятноки фаъолияти ҳукумати Тоҷикистон аст», - изҳор дошт Сарвари давлат Эмомалӣ Раҳмон.
Зикр гардид, ки дар ҳамкорӣ бо Гурўҳи Авруосиё оид ба мубориза бо қонунигардонии даромадҳои ғайриқонунӣ ва маблағгузории терроризм ва бо тавсияҳои ин созмон дар Тоҷикистон корҳои зиёди самарабахш анҷом ёфтаанд. Аз ҷумла, Раёсати назорати молиявии назди Бонки миллии Тоҷикистон, ки бо ҳамин мақсад таъсис ёфтааст, дар мубориза бо қонунигардонии даромадҳои ғайриқонунӣ ва маблағгузории терроризм бо сохторҳои марбутаи кишвар ҳамкории босамар ба роҳ мондааст. ҳамчунин қонуни ҷумҳурии Тоҷикистон «Дар бораи мубориза бо қонунигардонии даромадҳои бо роҳҳои ҷиноӣ бадастомада ва маблағгузории терроризм» таҳия ва қабул гардид. Дуюним маротиба афзудани ошкорсозии ҷиноятҳои коррупсионӣ низ натиҷаи пурзўр шудани чунин мубориза дар Тоҷикистон арзёбӣ гардид.
Даниел Гласер ба қадамҳои нахустини Тоҷикистон барои мутобиқ намудани қонунгузорӣ ва санадҳои ҳуқуқии кишвар ба стандартҳои байналмилалии вобаста ба ин самт баҳои мусбӣ дода, изҳори боварӣ намуд, ки Нақшаи мушаххаси тадбирҳои минбаъдаи ҳукумати Тоҷикистон дар самти мубориза бо қонунигардонии даромадҳои ғайриқонунӣ ва маблағгузории терроризм таҳия ва қабул шуда, охири моҳи июни соли равон дар ҳамоиши Гурўҳи Авруосиё оид ба мубориза бо қонунигардонии даромадҳои ғайриқонунӣ ва маблағгузории терроризм мавриди баррасӣ ва дастгирӣ қарор мегирад.
Барои таъмини самараи бештар аз чунин мубориза густариши ҳамкории сохторҳои Гурўҳи Авруосиё оид ба мубориза бо қонунигардонии даромадҳои ғайриқонунӣ ва маблағгузории терроризм бо мақомоти дахлдори Тоҷикистон, аз ҷумла мубодилаи доимии таҷрибаю иттилоот, кўмакҳои техникӣ ва омўзишу бозомўзии мутахассисон зарур шумурда шуд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста