Салоҳуддин Раббонӣ, вазири пешини корҳои хориҷии Афғонистон ва раиси ҳизби Ҷамъияти исломии ин кишвар аз як мулоқоташ бо Эмомалӣ Раҳмон Президенти Ҷумҳурии Тоҷикистон дар рӯзҳои наздик хабар додааст. Ин дар ҳолест, ки Хадамоти матбуоти Президенти Тоҷикистон аз ҳеч гуна мулоқоти Эмомалӣ Рамон бо ин чеҳраи сиёсии Афғонистон хабар нашр накардааст.
Салоҳуддин Раббонӣ дар саҳфаи фейсбукаш навиштааст, ки дар ҷараёни сафаре, ки ба Ҷумҳурии Тоҷикистон доштам, бо мақомоти мухталифи ин кишвар, машмули ҷалолатмаъоб раисҷумҳури ин кишвар дидору гуфтугӯ сурат гирифт.
“Дар дидоре, ки бо ҷалолатмаъоб Эмомалӣ Раҳмон, раисҷумҳури Тоҷикистон доштам, бо ибрози итминон аз меҳмоннавозии самимона ва бародаронаашон интихоби муҷаддадашонро табрик гуфтам”.
Раиси Ҷамъияти исломии Афғонистон ҳамчунин навиштааст, ки “дар ин дидор перомуни равобити Афғонистону Тоҷикистон, авзои сиёсиву амниятии Афғонистону минтақа ва ҳамчунон раванди гуфтугӯҳои сулҳи Афғонистон суҳбат намудем. Ҳамчунон дидгоҳҳои Ҷамъияти исломӣ дар перомуни гуфтугӯҳои сулҳ ва масоили минтақа мавриди баҳс қарор гирифт”.
Раббонӣ ҳамчунин аз як дидори ҷудогонаш бо вазири корҳои хориҷии Тоҷикистон Сироҷиддин Муҳриддин низ хабар додааст. Аммо дафтари матбуоти Вазорати корҳои хориҷии Тоҷикистон низ аз ин мулоқот хабаре надодааст.
Вазири пешини корҳои хориҷии Афғонистон ҳамчунин дар ин навиштааш гуфтааст, ки бо шуморе аз мақомоти дигари Тоҷикистон низ дидору гуфтугӯ доштааст.
Аммо мақомҳо ва расонаҳои расмии Тоҷикистон дар бораи ҳузури Салоҳуддин Рабонӣ дар Тоҷикистон ва дидору гуфтугӯҳояш бо раисҷумҳур ва вазири корҳои хориҷии Тоҷикистон то кунун иттилои расмие нашр накардаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Ғалабаи таърихӣ! Мунтахаби футзали Тоҷикистон бори аввал ба Ҷоми ҷаҳон роҳ ёфт
Ҷасади як ҷавонро аз Кӯли ҷавонон берун гирифтанд
“Болои сӯхта - намакоб”. Низоми раводид миёни Тоҷикистону Туркия садди роҳи табобати Умриузоқ шудааст
Интиқом барои интиқод? Толибон хонаи Зоҳири Ағбар ва Абдулрашид Дӯстумро дар Кобул тасарруф кардаанд
Рамазон Раҳимзода гуфт, баъзе ҷинояткорон дар Италия бо баҳонаи "гуреза" пинҳон шудаанд
Хонандагон аз шарикдарси тоҷикашон узр пурсиданд. Оғози таҳқиқи латукӯби хонандаи тоҷик аз сӯи Кумитаи тафтишот
Дар Исфара бар асари сел таҳхонаҳо ва иншооти ёрирасон зери об монданд
Норак Дэвид Кэмеронро бо чӣ мафтун кард?
Байни Тоҷикистону Италия 7 санади ҳамкорӣ ба имзо расид
Тавофуқи Тоҷикистону Ӯзбекистон доир ба гузариши транзитии мошинҳои боркаш бе рухсатнома
Кулли ахбор
Авторизуйтесь, пожалуйста