Пойгоҳи санадҳои меъёриву ҳуқуқии Тоҷикистон www.adlia.tj лоиҳаи созишномаеро нашр кардааст, ки тибқи он Тоҷикистону Ӯзбекистон ҳадаф доранд, будубоши шаҳрвандони якдигарро дар қаламравҳои худ, содатар кунанд.

Гуфта мешавад  Эмомалӣ Раҳмон ин санадро таъйид кардааст. ӣБар асоси ин санад шаҳрвандони ду кишвар ҳангоми ворид шудан ба ҳудуди якддигар дар 10 рӯзи корӣ ниёз ба сабти номи муваққатӣ надоранд.  

Дар банди дигари ин тағйирот гуфта мешавад, ки агар қонунгузории миллии яке аз тарафҳо шароити беҳтаре аз ин созишномаро фароҳам орад, он меъёрҳои қонунгузории миллӣ амал хоҳанд кард.

Тағйирот ба созишнома дар доираи сафари навбатии Президенти Ҷумҳурии Ӯзбекистон, Шавкат Мирзиёев ба Тоҷикистон, ки интизор меравад, рӯзҳои 10-11 июни соли 2021 сурат гирад, ворид гардидааст.

Иттилоъ дода мешавад, ки дар доираи сафари Мирзиёев ба Душанбе имзои як қатор созишномаҳо, аз ҷумла содасозии ҳамлу нақл ва сафари шаҳрвандон ба кишварҳои якдигар дар назар аст. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар TelegramFacebookInstagramViberЯндекс.ДзенOK ва Google Новости бо мо бимонед.