Академияи идоракунии давлатии назди президенти Тоҷикистон давраи таҳсилии магистратураи хосе бо номи "Мактаби давлатдории Эмомалӣ Раҳмон" таъсис додааст. Ин нуктаро имрӯз, Абдухалил Ғафурзода ректори ин ниҳод дар ҳузури хабарнигорон гуфтааст.
Бино ба гузориши хабаргузории "Ховар", бо нақл аз ин нишасти хабарӣ, раёсати Академия тасмим гирифтааст, ки қабули довталабонро ба зинаи магистратураи «Мактаби давлатдории Эмомалӣ Раҳмон» аз рӯйи ихтисосҳои идораи мақомоти маҳаллӣ, идораи давлатӣ, сиёсати берунӣ ва дипломатия ва менеҷменти сиёсӣ роҳандозӣ кунад.
Аммо дарин хабари "Ховар" гуфта нашудааст, ки ин давраи таҳсилро танҳо хидматчиёни давлатӣ фаро мегиранд ё ҳамаи муҳассилини ин Акадмеия.
Ин бори нахуст аст, ки дар Тоҷикистон давраи таҳсилии хосе дар мактабҳои олӣ, дар заминаи ҳукуматдории Эмомалӣ Раҳмон роҳандозӣ мешавад. Ҳарчанд пештар аз ин, пешниҳодҳое дар бораи ҷорӣ кардани фанҳои алоҳидаи дарсӣ дар макотиби миёна ва олӣ шуда буд.
Аз ҷумла, соли 2015, баъди додани унвони Пешвои миллат ба Эмомалӣ Раҳмон, Сиёвуш Наботов, як устоди ҳуқуқи Донишгоҳи давлатии тиҷорати Тоҷикистон пешниҳод карда буд, ки дар макотиби миёна ва олии кишвар омӯзиши “Вазъи ҳуқуқии Пешвои миллат” ба роҳ монда шавад.
Cиёвуш Наботов дар як матлабе, ки онро хабаргузории "Ховар" нашр карда буд, навишта буд, ки бо назардошти хизматҳои шоёни Эмомалӣ Раҳмон пешниҳод мешавад, ки мавзӯи “Вазъи ҳуқуқии Пешвои миллат” дар макотиби олӣ дар фанҳои сиёсатшиносӣ ва дар макотиби таҳсилоти ҳамагонӣ дар фанни таърих мавзӯоте мавриди баррасӣ ва омӯзишу таҳқиқ қорор гиранд, то насли нави имрӯз, ки даҳшати ҷанги шаҳрвандиро надидааст, бе гумон бидонад, ки барҳамзанандаи алангаи ҷанги хонумонсӯз маҳз Пешвои имрӯзаи миллат Эмомалӣ Раҳмон аст.
Он замон ин пешниҳоди ин устоди Донишгоҳи тиҷорат бо вокунишҳои сахте дар шабакаҳои иҷтимоӣ ва расонаҳо рӯ ба рӯ шуда буд.
Дар Донишгоҳҳои дигар ҳам курсҳои махсуси таълимие низ дар заминаи ҳукуматдории Эмомалӣ Раҳмон роҳандозӣ шудааст, аммо роҳандозии давраи хоси таҳсилии магистратура бори нахуст аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Соли 2050 аҳолии Осиёи Марказӣ аз 100 млн нафар зиёд мешавад. Моро чӣ интизор аст?
“Мехост ҷавонро аз хидмат озод кунад”. Боздошти муовини раиси Шаҳритус барои 5 ҳазор сомонӣ пора
Кулли ахбор
Авторизуйтесь, пожалуйста