Вазорати нақлиёти Тоҷикистон маълумотҳоро дар бораи муроҷиат ба Вазорати нақлиёти Қирғизистони ҳамсоя бо дархости кушодани сарҳади ду кишвар қотеъона рад мекунад.

Маълумоти нашркардаи ВАО-ро дар робита ба чунин муроҷиати хаттӣ дар Вазорати нақлиёт қотеъона рад карданд.

"Тоҷикистон омода аст ҳаракати бемамониати нақлиёти автомобилиро байни ду кишвар таъмин кунад", - гуфтанд дар Вазорат.

Аммо, зикр карданд дар Вазорат, дар ин бора ба ҷониби Қирғизистон ҳеҷ гуна муроҷиати хаттӣ ирсол нагардида, чунин маълумоти ВАО ҳеҷ асосе надоранд.

Дар ҳамин ҳол, расонаҳои қирғизӣ, ки зери унвони "Тоҷикистон ба Қирғизистон бо дархости кушодани марзҳо нома фиристод" чунин маълумотро интишор намуданд, дар охир хулосаҳои яктарафаи қотеъонаи худро гузоштаанд:

«Қирғизистон пас аз ҳамлаи мусаллаҳона ба вилояти Бодканд марз бо Тоҷикистонро баст. Он замон 189 қирғизистонӣ осеб дида, 36 нафар, аз ҷумла кӯдакон ҳалок шуданд. Зиёда аз 170 хона ва иншооти иҷтимоӣ сӯзонида шуд».

Ёдрас мекунем, ки охири моҳи апрели соли равон бар асари муноқишаи мусаллаҳона дар сарҳади Тоҷикистону Қирғизистон аз ду ҷониб 55 нафар кушта, тақрибан 300 нафар бо ҷароҳатҳои гуногун захмӣ шуданд ва даҳҳо хонаву дигар иншоот нобуд шуд.

Дар бораи ҳамлаи як кишвар ба қаламрави кишвари дигар дар ин маврид сухан гуфтан хеле душвор аст, зеро хатти сарҳадӣ дар қитъае, ки муноқиша рух дод, зиёда аз 30 сол номаълум боқӣ мондааст.

Ду кишвар аз ҳамдигар вобастагии тиҷоратӣ ва иқтисодӣ надоранд.

Бо сабаби муноқиша сарҳад аз ҷониби ҷониби Қирғизистон якҷониба баста шуда, Тоҷикистон барои ҳаракати озодонаи нақлиёт байни ду кишвар ягон маҳдудият ҷорӣ накардааст.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.