Президенти Тоҷикистон дар мулоқоти навбатии чоруми машваратии сарони кишварҳои Осиёи Марказӣ, ки дар Қирғизистон баргузор мешавад, ширкат мекунад.
Дар ин бора Хадамоти матбуоти президенти Қирғизистон зимни сӯҳбати телефонии сарони кишварҳои Қирғизистон Садир Жапаров ва Ӯзбекистон - Шавкат Мирзиёев хабар додааст.
"Зимнан зикр гардид, ки аллакай ҳамаи раҳбарони кишварҳои Осиёи Марказӣ даъвати ширкат дар ин нишастро пазируфтаанд", - омадааст дар хабарнома.
Гуфта мешавад, ки Садир Жапаров ва Шавкат Мирзиёев ҳамчунин масъалаҳои омодагӣ ва рӯзномаи ҷаласаи машваратии сарони кишварҳои Осиёи Марказиро баррасӣ карданд.
Баргузории нишасти навбатии сарони кишварҳои минтақа рӯзи 21 июл дар шаҳри Чолпон-Ато ба нақша гирифта шудааст.
Нишасти сарони кишварҳои Осиёи Марказӣ (расман - Мулоқоти машваратии сарони кишварҳо) - вохӯрии ҳамасолаи сарони кишвари минтақа - Қазоқистон, Қирғизистон, Тоҷикистон, Туркманистон ва Ӯзбекистон мебошад.
Ташаббуси баргузории вохӯриҳои машваратӣ аз ҷониби Шавкат Мирзиёев моҳи сентябри соли 2017 дар иҷлосияи 72-уми Маҷмаи Умумии СММ дар Ню-Йорк пешниҳод гардида буд.
Маъмулан нишаст бонавбат дар яке аз ин панҷ кишварҳо доир мегардад.
Нишасти аввал баҳори соли 2018 дар пойтахти Қазоқистон, вохӯрии дуюм - тирамоҳи соли 2019 дар Тошканд доир гардида, мулоқоти сеюм соли 2020 бояд дар Бишкек баргузор мешуд, лекин бар асари пандемияи коронавирус ба таъхир афтод.
Даромади муҳоҷирони тоҷик дар Маскав чӣ қадар аст?
Як шаҳрванди Тоҷикистонро барои бознашри навори ҳамла ба "Крокус" ва шарҳ дар зери он боздошт кардаанд
Андрей Серенко: доир ба амалҳои террористӣ Маскавро ду моҳ пеш огоҳ карда буданд
Як ниҳоди назди Сафорати Тоҷикистон мегӯяд, вазъи муҳоҷирон дар Русия “тағйир наёфтааст”
Дар Қирғизистон Райимбек Матраимов ва се бародарашро ҳабс карданд
“Ҳамаро бурданду аз хоҳараш дарак нест”. Пайвандони Фаридуни Шамсиддин дар куҷоянд?
Дар Тоҷикистон боз борон мебораду ҳаво сард мешавад
Сиёсатмадори қирғизе, ки санади қитъаи марзӣ бо Тоҷикистонро имзо карда буд, озод шуд
Дар ҳолати таҳдиду зӯроварӣ дар Русия тоҷикон ба куҷо метавонанд муроҷиат кунанд?
“Иҷора намедиҳанд”, “Корхонаро оташ заданд”, “Ба мошин намешинанд”... Афзоиши фишор ба муҳоҷирони тоҷик дар Русия
Кулли ахбор
Авторизуйтесь, пожалуйста